19-08-2014, 01:19 AM
|
عضو جديد
|
|
تاريخ التسجيل: Dec 2012
المشاركات: 39
معدل تقييم المستوى: 25
|
|
-- استخيري وأنا أخوك ومايحتاج أذكرك إنه أنتي بالأخير من يحدد وش ترتاحين له وحلو بلا شك أن الواحد يستشير ويسأل لأن الأمر فيه تحديد مستقبل وظيفي والحمد لله عندك خيارات وبحد ذاته هالأمر جيد
-- أتفق معك إن أمر التغيير مو سهل خصوصاً اللي تعود على التيم الموجود ومرتاح معهم وأنا قد مريت بهالتجربة ، لكن بالأخير فترة البداية وترتاحين بإذن الله .. احسبيها ايجابيات وسلبيات كلا الوظيفتين وقارني
-- فكري بالمستقبل بكلا الوظيفتين ولو يحصل تمرين مقر الوظيفة الجديدة وتجلسين مع وحده تعلمك ببعض السلبيات والايجابيات عندهم
-- مابي أخوفك لكن مسألة زيادة الراتب في عملك الحالي هذي غالبية الشركات تسويها لما يشوفون إن الموظف المتميز راح يطلع من عندهم .. بعضهم يصدق مؤقتاً وبعضهم لا يصدق إذا جلس الموظف وقليل منهم يصدق فعلاً.؟!
-- على كلامك مستشفى خاص كبير ف موضوع الأمان الوظيفي موجود فيهم كلهم بإذن الله حتى وإن كان التشغيل الذاتي أكثر وضوحاً واستقراراً
-- المهم تكونين واضحة مع الطرفين ولا تجاملينهم خصوصاً المستشفى الخاص ، هذا مستقبلك
-- ركزي أيهم راح يطورك أكثر ويعطيك فرص تدريب أكبر لأنه بالأخير خلي رؤيتك إنه مستقبلا بتكونين بمكان أفضل من الأثنين بإذن الله وهم مجرد محطة للعبور لذلك المكان
-- مسألة ارتياحك بمكانك الحالي راح ترتاحين بغيره بحول الله والتغيير بحد ذاته مو سهل أحياناً لكنه مهم في أحيان أخرى !
بالأخير أنتي فقط من يحدد وفقاً لعدد من المعطيات اجتهدت في ذكر ماخطر ببالي وفقاً للقليل من المعطيات اللي ذكرتيها لنا .. وأعتذر عن الإطالة والله يوفقك ويكتب لك ما فيه الخير ..
التعديل الأخير تم بواسطة أبل ماكنتوش ; 19-08-2014 الساعة 01:21 AM
|
العرض العادي
