ايش هو مشروعك وانصحك اذا ما معك شهاده وتخصص مثلا تبين محل حاسب الي يفضل ان معك دبلوم حاسب او بكالوريس يعني يكون معك شهاده او دوره بالمشروع اللي تبينه مثلا مشغل نسائي يفضل ان معك شهاده تجميل حقت المشاغل ... وفيه بنك التسليف ورياده الاعمال تقدرين تسجلين وتختارين اسم المشروع تطلع لك لائحه كثيره بالمشاريع تختاري اسم المشروع وبعدين تحطين وصف للمشروع وايش الشهادات اللي معك والدورات والخبرات اللي معك كذا اذا خلصتي من تعبئه الطلب والبيانات مده شهر بالكثير ويدقون عليك يحددون لك مقابله شخصيه يتم فيها سؤالك بالتفصيل عن المشروع من ريال الى الحد الاعلى للملبغ اللي طلبتيه وزي كذا

اذا عديتي بالمقابله الشخصيه خلاص بعدها تاخذين دوره مده اسبوع او اسبوعين مع مدرب متخصص وتدفعين رسوم الف او الفين ريال .. وبعدها خلاص تاخذين ورقه وتروحين التسليف وتاخذين التمويل منهم ويبدا السداد بعد 6 اشهر من فتح المشروع ويسالونك هل فيه كفيل او لا والافضل يكون معك كفيل موظف .. ونصيحه عامه مني انا لازم تكون عندك خبره كافيه بالمشروع التفاصيل الماديه والتجاريه للمشروع وفكري بمشروع يكون ربحه مضمون او مشروع فكرته جديده ..


برنامج الخريجين مخصص لخريجي الدبلومات الصحيه والتعليميه .. ..

برنامج المشاريع الناشئه .. مخصص للجميع

برنامج مسارات ... برنامج النقل المدرسي .. مسار التميز .. مسار الاسر المنتجه
مسار الاختراعات .. وهذا الرابط تفضلي اقري الشروط

http://www.scsb.gov.sa/MasaratProgram.aspx

الله يجزاكم خير ع الاجوبه

طيب انا ابي افتح محل حلويات لازم انا اللي اسوي فيه؟؟

ع فكره انا بنت

قدمي على برنامج رياده والافضل لو يكون معك خبرات ودورات

قدمي شهر بالكثير يجيك رد يا قبول ومقابله يا رفض

موفقه يارب

انا مقدم على ريادة اول حاجة قدمت على الموقع بعدين جاني قبول مبدئي ورسلو لي رسالة في تحديد موعد المقابلة الشخصية رحت المقابلة سألوني كم سوال عن المشروع والحمدلله أول ماخرجت من عندهم جاتني رسالة منهم يقولون تم نجاح في المقابلة الشخصية بعدها ارسلو أوراقي لبنك التسليف من شأن الفحص الائتماني وجاتني رسالة بنجاحي في الفحص الإئتماني ولله الحمد ورسلو ريادة رسالة يقولون سدد مبلغ 1000 ريال لجل الدورة طبعا الدورة ثلاثة أسابيع وتبدأ بعد أسبوع أن شاء الله وراح اوافيكم بالمزيد لاحقاً.

بالتوفيق

بالتوفيق