دراسة ماجستير في المملكة

خوي الشيوخ · #11 (**permalink**) 21-08-2008, 02:24 PM

اقتباس:

المشاركة الأصلية كتبت بواسطة المتفائل وبس

السلام عليكم بالمختصر

انا رجال درست الجامعة ولانفعت جلست عاطل ودي اكمل ماجستير لو على حسابي بس يكون مسائي .

فهل يوجد ماجستير مسائي في الرياض ارجو الافادة ولكم جزيل الشكر

هذا الرابط .. خاص بالماجستير في جده .. خمسة ايام في الشهر .. الفترة المسائية ..

http://www.***-group.com/vb/showthread.php?t=14306

عش حياتك · #12 (**permalink**) 22-08-2008, 04:34 PM

اي والله نبي مشاركاتكم
انا تخصصي حاسب وابي ادرس ماجستير
في الرياض
في انتظاركم

موسعه صدرها · #13 (**permalink**) 23-08-2008, 06:59 PM

الجامعه العربيه انا ادرس فيها ولسا مابعد فتح كورس الماجستير وبيني وبينك تعبنا لين حصلنا على الاعتراف بالبكالوريس عاد كيف الاعتراف بالماجستير بيطلعون عيونكم عليه

عموما انا مامدح الجامعه العربيه وخلها اخر اختيار اذا لقيت غيرها رح لهم

بس اذا تقدر تسافر للبحرين وتدرس هناك مي بعيده عنك تقدر تاخذ كلاساتك وترجع وزي مانت عارف كورس الماجستير مايتطلب حضور زي البكالوريس

في الجامعه الخليجيه اتوقع اسمها كذا بالبحرين معترف فيها وكويسه

وبالتوفيق

noreen · #14 (**permalink**) 23-08-2008, 07:07 PM

موسعه صدرها---انتي كيف ماخذه بكالوريسين في وقت واحد؟؟؟؟

موسعه صدرها · #15 (**permalink**) 23-08-2008, 07:49 PM

لوول نورين

درستهم سوى صحيح شيبوا فيني بس الحمدالله خلصت الاداره

بس انا درست ادارة اعمال بسعود

عاد باقي التقنيه اللي من الجامعه العربيه اذا الله يسرها علي ابتخرج السنه الجايه

عموما بهالديره مهما اخذتي شهادات زيتس زي الثانوي اللي معه واسطه

واي استفسارر حاضرين يابعدي