13 سنة تعتبر خبرة طويلة جدآ رايي.. شفلك شركة ثانية واخذ شهاده خبره ودق سلف وتوكل على الله والشركات مليانه وبالذات عندكم في جدة

حيآك الله ، وأعآنك ربي

بالنسبة للترقية لآ تنسى أن مؤهلك ثآنوي والأجنبي تلآقيه مؤهله أعلى من كذآ ،
لو أستغليت 13 سنة بالدرآسة كآن أفضل لك ،

لكن إبحث عن وظيفة وقدم خبرآتك معهآ ورآح تتوفق بالذآت الصيآنة عليهآ إقبآل والحمدلله
وأسألني أنآ فني كهربآء ، شركآت كثيرة رآح تقبلك وبالذآت أنت مشرف ، بالعكس أنآ فقط فني #

الله ييسر أمرك

توكل على الله وشف لك رزقه ثانيه
لما تطلب ترقيه فانت تطلب بطريقه ضمنيه زياده بالراتب وهذا شيئ يمكن الشركه ما تبيها " لا تريد زياده الرواتب " او تريد حصر الرواتب على اقارب صاحب الشركه .

شوف اللي سويته انجاز
استمرارك بهذا العمل واتقانه ومعرفة كل مايخصه وخبرتك الكبيرة فيه شي ممتاز
ويقولون السعودي مايشتغل الظالمين يحاولون يشوهون سمعة السعودي بكل الطرق عشان يكون المكان للاجنبي وبس
انت خير مثال والله يوفقك ويعوضك

عندي لك اقتراحين



الاول حل المشكلة
ترقية الاجانب وتهميش السعوديين و المخالفات الاخرى اللي تقوم بها الشركة واهمال موظفين التفتيش لو تقدر تثبتها اثباتات قوية حتى تتعاقب الشركة افضل

الثاني تقدر تقدم على دعم تمويل وتفتح مشروعك الخاص بنفس هذا النشاط والمجال وانت بخبرتك تقدر تطوره وتخليه افضل من شركتك الحالية ويمكن تنافسها
ودامك حريص على الرزق الحلال والشغل السليم تأكد ربي بيوفقك

13 سنه ان شاء الله ماراحت بلاش خذها خبره لكـ

وشووف عملك لو تحتاجه شركة ارامكو او صدارة قدم فيه


صدارة حلووة واحسن من ارامكو اهم شئ ان الواحد عنده خبره وانت ماشاء الله

اشكر الاخوة على التفاعل البناء

ان شاء الله ابحث عن دخل اخر بعد استنفاد الطرق
لكن ودي اوضح للاخوة الكرام اشياء مايعرفونها في نضام الشركات
التزوير في الشهايد وارد وهذا مايحصل عندنا شخص عنده معهد اقل من المتوسطه تحصل معاه شهاده جامعيه من جامعة خلف الماء والمشكله اغلبهم لايقراون ولا يكتبون وهم مدرا تصوروا ان احدهم ياتي بالتقارير الشهريه لأولاده لكي يقرأها له سعودي وهذا مدير موقع
الشريحه الاخرى في مافيها في الشركه هذي يحاولون تشويه صورة المدرى السعوديين والمشرفين لنيل الرضها وهذى ماحصل مع احد المهندسين السعوديين قبل سنوات فكان يرسل طلبات التي من المفترض ان يرسلونها ولا تقبل ترمى في قسم المشتريات بينما زميله من شريحة المافيا يرسل نفس الطلب ويأتون بالرد مباشره
قبل كم سنه سافر احد الجنسيات التي اقصدها لبلدهم لانتخاب رئيس لدولتهم ولم يتأثر الشغل ولا ذره بالعكس صار احسن
كان من المفترض اني اصير مليونير من السرقات لكن حب المال الحلال هو مادفعني ان اكبح جماح شهواتي لاكل الحرام
وجدت شخص توضف معي في شركة اخرى بنفس راتبي عندما بدئنا وصار راتبه 12 الف ونفس شهاداتي
سابقا كان معي مشرف حرامي برخصه واستماره والغريب في الامر انه يترقى اول بأول

التزوير والسرقة وغيرها من المخالفات ماتقدر تثبتها؟

استشير محامي مو عشان تاخذ حقك وبس. عشان تكشف الفساد

وزارة الفساد ماتقدر تسوي شي؟


صراحة الحال يحزن في البلد على كذا وش الحل