هل صحيح ماورد وتداول بالوات ساب وجود احتياج بالمدارس الاهليه تكفون ردو لاتطنشون

ايوه قريبة لي تعينت ادارية قبل شهرين وكانت موظفة بأهلية وكثير من صحباتها تعينوا اداريات
هنا اقولك فيه احتياج بسبب تعيين الاداريات اما بسبب استقالة الاجانب فما عندي علم
لكن المهم انه فيه احتياج
وفقك الله وسهل لك أمرك يارب

مشكوره يعطيك العافيه بنات ردو علي اللي عندها خبر

ياليت تردون لنا وكيف نقدم عليهم ؟!!

كذذذذب !!

المدارس نادر عندهم أحتياج !!

اييييه اشوفهم منهبلين طالعيين بالشوارع يدورون الخريجات هههههههه

المدارس الخاصه صآرت واسسطات الان .. لان فيها دعم نصف المرتب من الحكومه
وكل راعي مدرسه يوظف اقاربه ومعارفه والي يعز عليه .. الا ماندر

شوفي وانا اختك امسكي قوقل واكتبي ارقام المدارس الاهلية بمنطقتك وانسخيها وكل صبح من الاحد القادم استلميهم
اتصال وسجلي بياناتك هاتفيا عندهم واذا قالوا تعالي روحي لهم بسيرتك الذاتية كامله،
ترى فيه وظايف بالاهليات بس احنا عامة نقول واسطات ومن هالكلام
انا ولله الحمد هذه خامس سنة ادرس بالاهلية بدات اشتغل وراتبي كان 1200 قبل خمس سنين
والان الحمدلله بالموارد استلم 5600 صحيح ضغط وتعب لكن ازين من قعدة البيت
والله سجلت فيها وانا ما اعرف احد دخلت بمعدلي وسيرتي
وانا معهم ادرس اهلية صباحي وادرس مسائي ماستر والحمد لله

وأزيد على كلام سومه
لو تقدرين تدورين عالمدارس القريبة عندكم وما تقتصرين عالمكالمات بس
خصوصا أول الترم ونهاية السنة لأنه بالعادة يكون فيه احتياج لاعتذار معلمات
روحي للمدارس، بيقولون لك اكتبي بالدفتر، اكتبي مب مشكلة
بس حاولي ما تقتصرين عالكتابة، جهزي درس وقابلي الإدارة وقولي حابة أشرح، ممكن يقولون لك ما فيه وظيفة حاليا ومدري إيش، قولي مب مشكلة بشرح الآن وإذا صار فيه احتياج كلموني، وبرضه دقي عليهم من فترة لفترة
ممكن ما يرضون تشرحين لو ما عندهم احتياج بس أقصد حاولي قد ما تقدرين، لأن بالعادة ما يقابلك إلا الإداريات وما يدرون عن الاحتياج، بس إذا قابلت الادارة بذاتها ممكن تقولك اشرحي الآن

الصدق أحس دفاترهم ما يفتحونه دايم، يعني إذا أحد دق أو جاهم يكون أسرع من تقليب ملفات
وبرضه لو تقدرين تتواصلين مع معلمات هناك يعلمونك إذا كان فيه احتياج

وبعطيك حساب بالانستقرام، دايم ينزل احتياج المدارس الأهلية الله يجزاه خير
الحساب: PRIVATEEDUCTION
اسمه: ملتقى التعليم والتوظيف الأهلي

ربي يوفقنا وإياكم، ويرزقنا وإياكم من واسع فضله

والله انا درت كذا مدرسه وسجلت بالدفتر بس للامانه اكثر من 3 مدارس اتصلوا بس كسل مارحت وغير كذا من وقتها ماقدمت وكثير نصحوني ان المدارس الاهليه ضغط بشكل فضيع والراتب كله يسحبونه يا هدياي واكثر الاغراض انتي توفيرنها من الراتب والخصم اثناء الغياب شي هبل
انتي روحي وقدمي او مثل ماقالت لك وحده اتصلي احسن من المشوره على الفاضي

اذا طفشانه كلش وتبين وظيفه روحي طاقات وشرحي وضعك بدورلك وظيفه ان شاء الله اصلا ممكن تلقين مجهزين وظاىف