دكتور تكفى وقف الدرس لاهنت!!

عانيت بسكآت · #1 (**permalink**) 22-08-2014, 06:31 AM

دكتور تكفى وقف الدرس لاهنت!!
وشلون ابفهم حط نفسك مكاني...
لاصار خلي هو حبيبك وانا انت!!
وتشوف خلك رايح لشخص ثاني ..
دكتــور أمنتك أمــآنه وآمــنت!!
منهو وفا فينا ومن هو أنـاني...
أمشي بدربه ولا انـا ماتعيـنـت!!
إلا وجـرحـه عن دروبـه حـداني..
تمكن بجرحـي وانا ماتمكـنـت!!
تمكـن بغدري بـعـد ماعمـاني
أحسنت في ظني ولاظني أحسنت!!
أحسنـت في ظني وظني عصاني
دكـتـور دونـي اذا مـا تـدونــت !!
عـبره لغـيـري دام ربي بلاني
السالفه شابت وهي توها بنت!!
ماتت امـاني بس تبقى اماني..
دكتور تدري كمل الدرس هونت !!
خلاصـ أبفهم دام خلـي نسـاني..
_
رد عليه طالب ثاني:
دكتور تكفى كمل الدرس لاهنت ..
يضحك على نفسه مسوي يعاني..
شفني أنا ميت من الحب في بنت ..
لكـــــن جالس منتبه في مكاني..
ورد عليهم الدكتور
أحسنت ياتلميذ أحسنت أحسنت ..
هيضت قلبي يوم شعرك لفاني..
وذكرتني باللي على حبه أدمنت ..
لــكن .. قلبه .. صد عني ونساني…
وأوقفت شرح الدرس تقدير لك إنت..
والدرس هذا بشرحه فيوم ثاني..

أنششاءءالله تنال علي أعجابكم