للبنوتات فقط..كيف تصطادين المعرس؟؟؟؟؟

لولو وذهب والماس · #1 (**permalink**) 17-08-2008, 02:58 PM

كيف تصطادين المعرس دون اللجوء إلى الاساليب السقيمه من المغازلات والترقيم والتلميح الي ماله سنع والترزز بالاسواق.....إلخ

=أهم شي نشني على العجوز الي حاطه عينك على ولدها ثم نفذي مايلي:
1_خليكي مع امك ولاتروحين مع البنات وتتهيبلين اصبري عنهم كم شهر لين تتم العملية.

2_امشي وانتي حاطه راسك بين كتوفك ولا ترفعينه ابد حتى لو عورك خلي الفكس دايما في متناول يديك.

3_كلمه خاله خليها دايما على لسانك خاصة لام المعرس عشان تحس بنوع من التميز عن باقي العجايز.
#ملاحظه .لامانع تنادين عجوز ثانية بخالة عشان اذا مانجحت الخطه مع العجوز نبر ون تنجح مع نبر تو الاحتياط واجب وانا اخوكي.

4_اذا بدت امك تتكلم انغزيها بكوعك عشان تدخلك فالسالفة حتى لو مالك داعي تطبيقا للمثل <كثر الدق يفك اللحام>داري المثل ماله داعي بس مالقيت غيره.

5_اخوانك الصغار لاحقيهم وطامري معهم وين مايروحون حتى لو ماهي عادتك بس تصرفي معهم كأنك امهم عشان العجوز تاخذ فكره انك حريصة على ذريتك .

6_كل ما اكلت امك من اكله زينه خليها تقول:نفس الأكله الي تسويها بنتي حتى لو الأكل من مطعم صيني او مكسيكي.

7_اذا جيتي بتمدين ايدك توجعي وخلي امك تقول:قايلتلك وانا امك ماله داعي تنظفين جدران البيت الخارجية {اقول نظفي غرفتك اول الي تقولين ثايره فيها قنبلة ذرية}.
8_اذا تكلموا الحريم عن العرس اكتمي نفسك لين تحمر خدودك عشان يقولون البنت تستحي ومالنا حق تكلمنا عندها{بس لاتكتمي نفسك مره اخاف تروحي فيها واصير قتلت نفس بغير حق}.:o

9_مهما كان موضوع الحوار حماسي لاتبدين رايك خليك مثل البكما لان اللقافه تجيب اجل الخطة.

10_شعرك افردية لاتخلينه طاير ولاتجعدينه مهما كانت الموضه لان العجايز مايدورون الا الي شعورهم ناعمة.

11_اذا ادلت العجوز{ام المعرس المتوهق}بأي رأي سواء سياسي والا وطني والا اقتصادي وافقي عليه حتى لو انه ماسخ وماله داعي.

#مثال:تقول العجوز:بوش متقهوي عندنا البارح
قوليلها:وليه ماعلمتينا ياخاله نجي نساعدكم؟!

12_في العروس اضغطي على نفسك واقضبي ارضك ولاترقصين واعتبري الرقص عيب وشق جيب.

13_اذا جاء طاري السوق وهولازم يجي الطاري لانه ملح الجلسه عند الحريم خلي امك تقول:بناتي مايحبون يطلعون السوق ابوهم يجيب اغراضهم.

=الحين العجوز بتكون وقعت فالفخ.

نروح للمعرس الحين
.1_اهجدي في بيت اهلك ولاعاد تطلعين واذا جا المعرس بيشوفك خلي ابوكي يقول :والله ودي تشوف البنت بدون ماتدري عشان تاخذ راحتك وانا عمك وبعد تشوفها عالطبيعه ماتقول غشيتوني{ايه هين يالشايب والله لو بيدك ان تحط مكانها باسكال مشعلاني}

2_ قبل يجي اليوم الي بيشوفك فيه بحوالي اسبوع او اكثر{حسب شين الوجه} طامري من صالون لصالون صبغ فرد تنظيف بشره..إلخ.

3_اذا جا المعرس خلي اخوكي يوقف جنبه عشان مايطيل التبحلق ويبان المستخبي وذلك تطبيق لنظرية {اللمحة ذبحه}.

4_في نهاية المشهد خلي ابوكي يقول:معليش وانا عمك ترى البنت شوي محيوسه{معليه يالشايب تنصب عالمسكين}.
وبهاللحظه الولد بينط على راس ويبوسه لين يشفط مخه ويقول متى العرس ياعم؟

{تحذير مهم}
#ابتعدي عن امهات العيال المتعلمات راعيات الشنطه نفس لون الجزمه هذولا يبيلهم خطط بعيدة المدى.

الموضوع بس منقول عشان نضحك والي تبي تسرق كم خطه مو مشكله يمكن تنفع

لا تيأس · #2 (**permalink**) 17-08-2008, 04:40 PM

ههههههههههههههههههههههههههههههههههه

والله خطط قوية جدا

يسلمووووووووا على هيك مووضوع

رميزان · #3 (**permalink**) 17-08-2008, 07:28 PM

الله منتي بسيطة يابنيه اجل انا كيف اصيد العروس طالما انحن كشفنا الخطة باخذ حذري لاحد يخطفني هههههههه بسم الله علي

ღ احلى همس ღ · #4 (**permalink**) 17-08-2008, 08:35 PM

السالفه فيها صيد

AMOUR · #5 (**permalink**) 17-08-2008, 08:38 PM

هههههههههههههههههههههههه

abo naif · #6 (**permalink**) 17-08-2008, 08:40 PM

#مثال:تقول العجوز:بوش متقهوي عندنا البارح
قوليلها:وليه ماعلمتينا ياخاله نجي نساعدكم؟!

هذي والله قويه ههههههههههههههه

لولو وذهب والماس · #7 (**permalink**) 18-08-2008, 11:04 AM

رميزان انتبه على نفسك لاتجي بنت وتخطفك وماعاد نشوفك بالمنتدى
قول لأمك تنتبه لاتقع بالفخ
احلى همس شكله خاف بقول لأمه لاعاد تروحين عزايم
مشككككككككككككككووووووووررررررررره على مرور الجميع