السلام عليكم


اسعد الله صباحكم ومسائكم بكل خير

لدي مشروع وانا في حيره من امري

المشروع عبارة عن محل ادوات كهرباء وسباكة بمدينة الدمام
اما ( الفيصلية - او - الضاحية - او شراء محل قائم بمدينة العمال شارع ابو 100 )
طبعا درست المناطق واحتياجها ووجدت اني ممكن اضيف بعض الشغلات الي يفتقرون لها

راس المال المتوفر مبدئيا 200 الف ريال وانا متفرغ للمشروع وساقوم بادارته شخصيا
ولكن للاسف ما زال البحث عن العمالة جاري ( كهربائي وسباك - عامل محل )

كل ما تذكرت وزارة العمل انسدت نفسي من اي مشروع بسبب تعقيداتها في اعطاء العمالة
ومبالغتها في الاجراءات

وبنفس الوقت لدي وظيفة جاهزة براتب جيد
صرت ضايع بشكل كبير

اسوي مشروع واتوكل على الله والرزق في التجارة
او اذهب للوظيفة

طبعا صعب اجمع بين الثنتين ( وظيفة + مشروع )
لان دوام الوظيفة من 7 الى 5 يوميا عدا الجمعة والسبت
وبعد الدوام لاسرتي حق علي


والله اني في حيرة كبيرة

وفكرت في الاستيراد من الصين او تركيا

وخفت اسوي مشروع الكهرباء والسباكة واخسر


عندي زميل لديه محل مشابه ونصحني بالابتعاد عن هذا العمل لانه غير مربح
ويقول دخله الشهري بعد جميع المصاريف ما يزيد عن 7 الاف ريال رغم ان موقعه جيد

يعني كسر مجاديفي

وش تنصحوني فيه وياليت لو فيه احد من اصحاب نفس النشاط يدلو بدلوه ويساعد بنصيحته


شكرا لكم

ما شالله تبارك الله

اذا ما قدرت تجمع الوظيفة والمشروع خلك على الوظيفه نصيحه ما تدري عن المشروع هل بينجح او يخسر

والوظيفة راتبها ممتاز وتقدر تستفيد منه بقروض وغيره

بالتوفيق

خلك ع الوظيفه

فكر في مشروع ما يشغلك عن وظيفتك ولا أسرتك

أنا أقول خلك على وظيفة والمشروع تقدر تسويه وانت على وظيفتك
بس شف لك شي غير هالمجال بدال ماتفتح محل سباكة ويحتاج انك تشرف عليه يوميا
شف لك نشاط تجاري مايحتاج منك غير راس المال ومايحتاج تداوم فيه شخصيا
أو تشرف عليه فقط بوقت إجازتك الاسبوعية جمعة وسبت مثلا.
مثلا محل ملابس نسائية صغير, بقالة صغيرة, بوفيه.

اخوي اهم شيء الوظيفه والمشروع تقدر تسويه تخلي لك عامل بالمحل وانت تمر عليه يوميا وبالنسبه للمكان انا اشوف تسويه بالضاحيه لانها كبيره والبنيان زاد فيها وترا عندك مشاريع كثيره غير السباكه والحي جديد و اشوف ان م فيه خدمات
وبالتوفيق

بدوووون تفكير الوظيفه اهم واضمن
والمشروع يمديك عليه

اتبع هذا النظام

اولا اذا عندك شهادة قوية والوظيفة مانت مرتاح فيها كنسلها بدون تردد
افتح مشروعك واوقف فيه بنفسك لفترة محددة ثم اعتمد على توظيف عمال
وانت ماعليك الا تستلم الارباح اسبوعيا او شهريا
وتخطط لفتح فروع اخرى بنفس النظام لزيادة الدخل والتطور

اذا بلغت هذا المستوى اعلم انك تستحق لقب رجل اعمال

بالتوفيق