بسم الله الرحمن الرحيم

السلام عليكم ورحمة الله وبركاته

طبعاً من ضمن مشاكلي في الدراسه التعبير وبدخل في الموضوع على طول

اول شي اسأل الله ان يوفقني ويوفق كل مجتهد

طبعاً اساسيات التجاره والنجاح الكل يعرفها وذكروها كثير من الاعضاء في مواضيع مستقله

وكل مشروع لابد يكون له تخطيط عشان ينجح

ومو اي فكره تنطقها بلسانك بسهوله تنجح بسهوله
الكلام سهل والافعال يبغالها اجتهاد وصبر والتوفيق بيد الله

فكرة المشروع ومن ضمن افكاري او مشاريعي الجايه بإذن الله

مصنع مناديل

المشروع هذا في راسي له فتره واللي عطلني اكثر شي مالقيت مهندس يشتغل عليها وفي نفس الوقت عندي شغل ثاني احاول اخلصه وافضى للمشاريع الثاني وحسبي الله على مكتب العمل اللي معطلنا ومخلينا ندفع اجارات عشان ننتظر التأشيرات

طبعاً المناديل مستحيل احد يستغني عنها منتج مستهلك 100٪

من محلات مواد غذائيه ومطاعم وبيوت ووووو

وكل اللي عليك وتحتاجه (( مكينه )) سعرها تقريباً 100 الف واهم شي المهندس اللي يشتغل عليها
ومكرو باص للتوزيع تلاقي مستعمل نظيف بحدود 20 الف

عندي صوره للمكينه كان ودي اوريكم شكلها بس ما اعرف كيف انزلها هنا ارسل لي صورتها واحد من عمالي في الهند واللي يبغاها مستعد ادله على طريقها وهوا يروح بنفسه او عن طريق اي هندي يعرفه وإذا موجوده في اي دوله ثاني ما اعرف والله بس اكيد الصين ما خلت شي

اتمنى الفكره تناسب طموحاتكم وسامحوني ما عرفت ارتب الموضوع

الله يوفقكم

لا تنسوني من دعواتكم

الله يوفقك ويرزقك من واسع فضله وان يكثر من امثالك

مشروع ناجح بإذن الله _ ولكن يحتاج دراسه اكثر

بالنسبه للعماله ( رواتبهم) الموزع _ الراتب + النسبه )

سعة المحل المسموح فيه ( الايجار) _ الكهرباء

المناديل مستهلكه فعلاً و بالمقابل مغرقه السوق _ وعلى كذا يلزمك التوزيع بشكل جيد .

الاشياء اللي ذكرتها اعلاه لازم تكون من ضمن الدراسه

المدفوعات ( المصروفات ) _ + _ المدخولات ( المبيعات ) = المربح الشهري

اسال الله ان يجعل التوفيق حليفك دائماً وابداً

واكرر شكري لك ....،،،

بالتوفيق لك أخوي

الله يوفقك أخوي ,

بس سؤال :

أنت قصدك مصنع كامل ؟

أو إعادة تغليف بس

الله يوفقك يالغالي

والله معاي 150 الف وماني عارف وش اسوي مشروع عجزت والله ييسر لنا ولك

نتمى التوفيق لك وللجميع

فكرة رائعة الله يوفقك .

أتمنى لك التوفيق

موفق ان شاء الله ,,,مااعرف شيء عن المصنع