الدنيا وأنا أخوك ما تسوى..هذا أنا العبد الفقير أكبر مثال قدامك..خلصت الثانوي 1432 وقدمت على
إحدى الكليات العسكرية على رتبة ملازم وإنقبلت مبدئي بس ما إنقبلت نهائي وواحد من أقاربي
نفس عمري قدم معي نفس السنة وإنقبل نهائي في الكلية البحرية وتخرج قبل فترة ملازم بحري
لأنه معه واسطة وأنا لا..أبوه يصير ولد عم أبوي بس خذلني ودخل ولده بس..
وهذا أنا الحين صرت أقدم على وظائف برتبة جندي رغم إن معدلي بالثانوية عالي وبعد ما كنت أطمح
أكون ضابط صرت أبي بس أنقبل على جندي ههههههههههه..صح تضايقت شوي بس هذا نصيبي وش أسوي!!

ولد عمتي تخرج قبل فترة ملازم أول دكتور ودخل الكلية الأمنية علشان قدر يدبر واسطة رغم أنه
فيه ناس كثير من نفس دفعته وتخصصه في الطب معدلهم أعلى منه بس ما إنقبلوا..

معروف الكلية الأمنية من سنين..واسطات في واسطات..فاالك التوفيق..آآآمين

لو تجري جري الوحوش غير رزقك ماتحوش . كل شي مقدر ومكتوب انا جبت بالثانوي امتياز ولا انقبلت واخر شي عريف انت ماشاءلله معك بكالوريس قدم على الوظائف المدنية وبالنهاية العسكرية تراها وسخه لو القى مدني على عقد والله لاروح العسكرية لا ترقيات وتتغرب عن اهلك لين تموت ويجيك ضابط مايسوى يهينك . الله يوفقك لاتحزن المستقبل قدامك واعد باذن الله .

الله يعينك ويعوضك على التعب الي تعبته والقروشه الي تقروشت فيها ب الروح واجيه والمراجعه وتوصيل الاوراق وكشف الطبي والادله الجنائيه وطبق الاصل ل الاوراق الجامعه والسجل الاكاديمي وختم الشرطه والعمده والاماره
وخيبه الامل في الحصول على مقعد ضابط شاغر في الكليه الامينه
هذا شي والله يعينك على الجهات الحكوميه الاخرى
التقديم ب جداره والمفاضله والاجتياز القياس والحصول على شهاده تربويه
والانتاظر والتامل بحصول على وظيفه حكوميه تغني نفسك وتعزها عن الناس
وتتامل بحصول على وظيفه تناسب شهادتك الجامعيه ماتدري الا ان الوظائف التي تنزلها جداره كل سنه
ياخذونها ناس بشهادات ثانويه ولا ياخذها ب شهاده جامعيه انتساب والمنتظم ياكل تبوله وحمص مملوحه تعيفه الاكل



فوق هذا كله تجيك الواسطه عيني عينك وتوزع الارقام والمقاعد الشاغره وتحجز ل الاقارب والمعارف والمصالح
وانت في الاخير يمسكونك { يوتيرن اجباري } ممنوع النظر ل الخلف هههههههههاي

بتوفيق اخوي
للاسف نحن نعيش في بيئه اجتماعيه مثل هـ البيئه