السلام عليكم

اخواني وخواتي

انا عندي مشروع عن قريب بفتتحه وهو سوق الكتروني متعدد الباعة مثل سوقكوم وعلي اكسبرس وامازون .

وعندي طرق دفع وهي كالتالي :

1- موني بوكرز ( Skrill ) <<< راح اعطيه اهتمام خاص من شرح التسجيل الى شحن رصيد للجميع .
2- حوالة بنكية
3- الدفع عند الاستلام

واحتمال اطور نظام ( دفع قيمة الشحن وباقي المبلغ عند الاستلام )

السؤال

1- لو انت بائع اي الطرق هي خيارك الاول ؟
2- لو انت مشتري اي الطرق هي خيارك الاول ؟
3- ايش رايك في نظام ( دفع قيمة الشحن وباقي المبلغ عند الاستلام ) هل يرضي الطرفين ؟

اولا الله يوفقك بمشوارك ومشروعكـ المميز
وليت كل شباب هالوطن يشغلون افكارهم بالمفيد ...

بالنسبه لي انا مشتريه وبائعه في مجال التجارة

كــ بائعة اسلم الزبونه يد بيد مع مندوب لان الحواله البنكيه ماتضمن للمشتريه اني صادقه معها
الافضل الدفع عند الاستلام
وكْـ مشتريه ايضا الدفع عند الاستلام
الا اذا التاجره او التاجر من موقع موقوق ومجرب احول حواله بنكيه

وبخصوص رقم واحد موني بوركرز اول مره اسمع فيه ياليت تشرحه لنا
لكن اذا مثل نظام الباي بال
فهوو يرجح على الجميع
لانه يضمن حق المشتري والبائع
......
وانا اطرح عليك مجرد راي ...
لو يكون تحويل المبلغ من المشتري للبائع ينحفظ بحساب الموقع
واذا استلم المشتري البضاعه يبلغ الموقع
يسمحون للبائع يسحب المبلغ
والله يوفقك

فيه شركات تعطيك خاصيه الدفع عبر البطاقات الائتمانيه

وعندك كاش يو ممكن تفتح حساب بائع عندهم
وكذلك عندك ون كارد السعودي وهو نسخه من كاش يو

البنوك السعوديه وخصوصا بنك سامبا يعطيك بوابه دفع خاصه فيك .. لكن ما اعرف شروطهم
واقوى الشركات المتعامله معهم شركه قو لخدمات الاتصالات
البنك الاهلي بعد يقدم نفس الخدمه وحسب معلوماتي ان رسوم التسجيل 500 ريال ومبلغ شهري تدفعه لهم
يمكن تغيرت الاسعار لكن اتصل علي البنك وراح تلقي معلومات عن الخدمه في موقع البنك مباشره
تحت خانه خدمات الشركات

الموني بوكرز .. ما اعرف اليه الموقع
لكن اذا كان العميل راح يشحن رصيد فيه وبعدها يشتري منك فهو نفس فكره كاش يو او ون كارد

انصحك في باي بال ,, لاسباب عديده
الاول رسومهم قليله ولا تكاد تذكر
الثاني كل الناس تعرف باي بال ..

لكن هل عندك استعداد تقعد كم يوم وفلوسك معلقه ؟؟

فيه شركات كثير تعطيك بوابات دفع خاصه بموقعك
شوف هذا اول واحد وهو شركه سعوديه مقرها جده
faturah.com
شركه محليه وتتعامل مع كم جهه كبيره بالسعوديه ..
والميزه فيها توفر لك ميزه الدفع عند الاستلام ..
وتعتبر كالوسيط التجاري بين التاجر والزبون

وشوف الشركه هذي بعد
https://www.paytabs.co/

لكن لو اختار راح اختار شركه وطنيه ولها فرع عندي بالبلد ..

انت احسبها من وجه نظر تاجر ..
ادفع رسوم شهريه علي خدمه ممكن استخدامها يكون نادر لان اغلب الناس تتعامل مع التحويل البنكي ؟

او ادفع 2500 عشان اطور واقدم الخدمه عن طريق وسيط وراح تتعلق مستحقاتي فتره من الزمن مع توفر بديل شبه مجاني واللي هو باي بال ؟

او اقدم الخدمه بالتعاون مع اكثر من خيار للدفع واوفر رسوم تسجيل ورسوم شهريه ورسوم وعمولات ؟
افتح حساب مع كاش يو وحساب مع ون كارد ويكون عندي حساب باي بال .. واستحمل الرسوم وان كانت خفيفه مقابل تقديم خيارات للدفع اكثر للعميل ..

او استفيد واوفر اكبر قدر ممكن من المال واستثمرها في مجال يفيد مشروعي ؟
عبر الاعلانات المدفوعه في قوقل واليوتيوب والانستقرام والخ ..


من رايي ان الدفع بالدولار مايهم .. اخرتها راح ينخصم المبلغ من بطاقه العميل بالريال السعودي
وخدمه تقريبا مجانيه ورسوم العمليه عليها بيكون شي بسيط ويمكن ماعندك مبلغ شهري تدفعه لانك
ممكن تستقبل الفلوس وتسوي فواتير اليكترونيه ويدفع العميل عن طريق حساب شخصي مو لازم شركه
والميزه اغلب الناس يعرفونه .. والعيب الدراهم بتتعلق فتره من الزمن وبكل الحالتين يمكن الاستخدام يكون له خفيف ..
والفلوس اللي راح تدفعها لتطوير الموني بوكرز استغلها باعلانات لموقعك مثل ما قلت لك

وخدمه الدفع الاليكتروني خلها خدمه اضافيه لا اكثر ولا اقل ولا تكون هي وسيله الدفع الاساسيه لك

شوف المواقع مثل موقعك وش تقدم .. مثل كرز ونمشي و و و
خدمه الدفع عند الاستلام حلوه وتقدر تتفق مع ارامكس ويعطونك اسعار خصم علي الشحن وهم اللي يقدمون خدمه الدفع عند الاستلام للمواقع اللي ذكرتها لك ..

واعذرني علي الاطاله .. وربي يوفقك

نسيت اضيف لك ..
قوقل تقدم خدمه دفع كذلك
اسمها google wallet
http://www.google.com/wallet/

الله يعطيك العافية يأخ زعبطوط

كلامك ممتاز جدا وواقعي

انا بحثت في موضوع بوابات الدفع الالكتروني كثير

ولقيت ان اقل نسبة هي موني بوكرز 1 بالمية بينما باي بال تقريبا 3.9 بالمية فرق شاسع

الشي الثاني الباي بال مايدعم الريال السعودي لكن موني بوكرز يدعم الريال دعم كامل ... مجرد انك تعرض السلعة بالريال يجي زبون عنده حساب موني بوكرز بالريال فيشتري وتجيك الفلوس على حسابك بالريال السعودي بدون عمليات صيرفة وفرق عمله .

بالاضافة الى ان الموني بوكرز من اشهر البنوك الالكترونية العالمية ويدعم اغلب دول العالم وهو بوابة دفع في كثير من المواقع من ضمنها الموقع الشهير ebay

وانا بحثت عن الاشهر من بوابات الدفع فلم اجد سوى باي بال وموني بوكرز وبعد المقارنة بينهم لقيت ان الموني بوكرز يتفوق على الباي بال بالنسبة لي انا كشخص ارغب في فتح سوق متعدد الباعة لانه بيوفر الخدمة والامان للبائعين والمشترين ونسبة الرسوم لاتكاد تذكر .

اتمنى تصحيح وجهت نظري ان كان هناك تصحيح

واكرر شكري لك يأخ زعبطوط

وايش رايكم باقتراح الاخت هاموره بخصوص ان الحوالة البنكية تكون على حساب الموقع ؟

اخوي حوالة بنكية هي الافضل سواء للبائع مباشره ام لحساب الموقع وممكن تضع خيارات دفع اخرى لكن الحواله البنكية يجب ان تكون موجوده لكن يكون خيارين وليس خيار واحد فقط اي ان المشتري ممكن يحول للبائع وممكن يحول لحساب الموقع اذا كان غير مطمئن مثلا - انا كبائع افضل حواله على حساب الموقع لكي يطمئن المشتري والعكس اذا انا مشتري احول لحساب الموقع لأطمئن لكن يجب ان تكون سريع في تسليم المبالغ لانه صارت لي قصة مع موقع ما في الوساطه بإختصار ارسلت لهم سلعه وباعوها وماعطوني فلوسي( تأخروا اكثر من 10 ايام) إلابعد ان كتبت شكوى في منتدى ما وانكشفت فضيحتهم بعد ان علموا بكتابتي حولوا الفلوس فورا لكي لاتتشوه سمعتهم . اما بالنسبة للدفع عند الاستلام لاتضعها ابدا ويكفي ان المشتري اذا خايف يحول لحساب الموقع وذلك بسبب عدم جدية المشتري وصارت لكثير جدا لبائعين سوق كوم وغيرهم ولي وصار ضرر مادي ونفسي على البائعين لان المشتري مايكون جاد إلا اذا دفع مقدما اما لما يكون مادفع شئ مايهتم للشحنه ولايذهب ليأخذها فترجع الشحنه للبائع ويخسر قيمة مشواره لمكتب الشحن ويخسر قيمة الشحن ويتحطم .