ياخوي اذا السيارة منك ويتم عليها التحميل قيمة البنزين والأعطال تخصم من أرباح شريكك حتى لو كنت تستعملها لك شخصيا خارج العمل لأنك ساهمت بالسيارة هو عليه يساهم بالبنزين والأعطال او تاخذون سيارة بعقد الاقصاد

أنصح أنت وخويك بكتابة عقد بينكم وتوقيعك عليه وختم من الغرفة التجارية أو المؤسسة بحيث يكون رسمي لانه من قصتكم أنت و خويك بيصير لك راي مختلف في منتصف الطريق وبكذا تخسرون جميعا ؟؟؟؟؟؟؟؟؟؟؟؟؟؟؟
حطوا عقد وإلتزمه فيها والمخالف تطبق عليها القوانين

اللي اوله شرط اخره نور ، ولازم تدرسون الشروط والارباح بشكل دقيق وتكتبون عقد رسمي وتشهدون عليه ،
اما في حالة السيارة من راايي ان تؤجر السيارة وقت العمل مثل لما تاخذ مشوار بالليموزين بالضبط والبنزين والاعطال طبعا على صاحب السيارة ،،
كذا اسلم وابرأ لذمة كل واحد منكم .

الحين الرجال يقول موفر سياره من عنده وتقولون له طلع لك سياره ثانيه !؟ عجيب امركم

القصد أنه يبي يوفر

الحل ياصاحبي زي ماقال خويك ,, تخصمون من الربح وتحطونه بالسياره لأن صاحبك يعتبر شريك

اذا تعطلت وقت التحميل تتحملونها سوا

واذا تعطلت خارج الدوام أنت تتحملها ,, لأن لو كانت نسبة ربحك 60% في الشهور الي ماتتعطل فيها السياره فخويك خسران

والله يزيدكم ان شاء الله وبالتوفيق وأتمنى أني أفدت

يعطيكم العافية جميعاً
وصراحة اعجبتنا بعض الردود
واللي عنده اضافة لا يبخل علينا

متابعين للموضوع

تعقيبي الثاني

في كلا الحالتين انتم ظالمين بعض

نسبة 60% انت ظالمه ، وهو ظالمك في حكايه تحملك قيمه اصلاح السيارة خارج الدوام


1- اما اتطلع سياره ايجار وتتقاسموها بالنصف
2-او تبيع سيارتك للمشروع وتكون فقط لمشاوير المشروع
بمعنى مثلا لو سيارتك تكلفة بيعها 10 الاف ريال ، يدفع لك نصف المبلغ ( 5 الاف) وتكون السيارة للمشروع فقط بدون مشاوير خاصة ، وفي حاله حدوث عطل بالسيارة يتم تقسيم مبلغ الاصلاح بينكم

افضل حل .. انك .. تسوي حسبه تحفظ حقك وحقه ..

اولاً .. تروح لمحلات التأجير .. وتشوف لك ددسن للايجار (تشوف اسعارها فقط ) .. اذا مالقيت احسبه حسبه تقريبيه .. يعني ممكن يكون باليوم 120 ريال .. ف افرضوا انكم اخذتوا الددسن اجار .. يعني تأجر سيارتك للمشروع .. بس طبعا تأجرها حسب ساعات العمل .. لو قلنا

انكم تشتغلون 6 ساعات .. وسعر اجار الددسن في محلات الاجار 120

فتقسم عدد ساعات العمل على ساعات اليوم .. يعني 6 ساعات قسمة 24 يطلع 0.25
الناتج اضربه في سعر الايجار 120*0.25 يطلع 30 ريال .. سعر ايجار الدسسن ل 6 ساعات

فهذا المبلغ يخصم من الارباح ويعطى لك .. طبعا من غير البنزين .. والاعطال طبعا تتحملونها جميعا والاعطال راح تكون معروفه .. يعني مساعدات .. اي شي يتعلق خرابه بالحموله الزايده ف عليكم .. الاثنين


ونصيحه مثل ماقالوا الاخوان سوو بينكم عقد شراكه

شريكك صادق في قسمته
توكل على الله وابدا مشروعكم بتفائل
عسى الله يرزقكم الرزق الواسع الي ينسيكم ايام الشقى
امين يارب العالمين

الاخ دلني عالسوق كفى ووفى
من غير المنطقي ان تحسب بهذا الشكل (اقصد اذا تعطلت السيارة وقت الدوام تتصلح ع حسابكم واذا تعطلت خارج وقت الدوام تتحملها لحالك)
عموما اذا ظروفكم تسمح فالافضل تتطلعون سيارة خاصة مستقلة بمشروعكم وتكون من اصول المشروع
والنقطة الاهم اللي ذكروها الاخوان وهي كتابة عقد موثق ومفصل فيه كل صغيرة وكبيرة
ولاتستهين بأي نقطة مهما كانت صغيرة لأن للاسف اغلب الشراكات الصغيرة فشلت بسبب هذه النقطة وهي عدم توثيق وكتابة عقود قبل بدء المشروع
دعواتي بالتوفيق لكما في مشروعكما وشراكتكما