السلام عليكم و رحمة الله و بركاته
اسعد الله مساءكم جميعا

بنات انا تم تعييني في المخواة و انا من مكة بإذن الله سأستقر هناك و حتى الان انتظر التوجيه

و سؤالي هو ماذا احتاج كمعلمة لأخذه معي سواءا احتياجات العمل و اللبس مثل طابعة لاب توب ...... اخبروني بالمزيد
و ياليت اللي تخصصها انجلش تفيدني اش احتاج
و كم احتاج ملابس
او لسكني اش اخذ معي للسكن مثل لحاف و بطانيه و ....


ياليت اللي جربوا يقولوا لنا مشكووووووووووووووووورين

ياليت يفيدونا

معقوووووله مافي احد يرد

بنات اش ناخذ معانا ؟؟تعيينا خارج منطقتنا و المسافه ٤٠٠كم اش نحتاج

اكسبوا فينا اجر الله يحرم وجيهكم ع النار

لحاف
عدد كافي من الملابس للدوام وللبيت
منشفه
مكوى للثياب علاقات ملابس
شسوار ومكوى شعر لو حبيتي
أدوات الزينه حقتك
شاحن الجوال
بندوووووول ******** ياكثر الصداع
طابعه وحبر وأوراق
كونك نت
لاب توب
أقلام حبر ودفتر ملاحظات أقلام سبوره
عطوررك كريمات مرطبه
ديودرنت
مناديل ديتول ومعقم ايدي
مناديل جيب
وإذا منطقتك نائيه حتى الصابون والشامبو ومعجون الأسنان والأكل والمويه خوذيه
إبر وخيوط سوده وبيضا للطوارئ
ولاتنسين العبايه الراس اذا ماعندك جيبيها
جزم مريحه وشبشب للحمام
إحرام الصلاه والسجاده
في بعد كم شغله رايحه عن بالي
رتبي أشايائك الخاصه والمهمه اولا

بالتوفيق يارب

حبيبتي انا مالي علاقه بالموضوع.... لكن انصحك تروحي تشوفين المدرسة

يمكن تكون في منطقه نائيه بالتالي ماراح تحتاجين لا طابعه

ولاكلام فاضي مجرد كشكول وقلم رصاص ...تعرفين المدارس النائيه تعليمهم بدائي حتى طاولات وكراسي ماعندهم

والعكس

بالنسبه للسكن كمان نفس الشيء لازم تروحي وتختاري سكن وعلى اساسه تعرفين تحددين احتياجاتك

ممكن تلقين سكن معلمات مجهز وماتحتاجين غير اشياءك الاساسيه زي ملاببسك واغراضك الشخصية

بالنهاية مااحد يقدر يفيدك غير نفسك لازم انتي تروحي بنفسك وتعرفين اش تحتاجين حسب البيئه اللي راح تعيشي فيها

في البدايه راح تكوني ضايعه ومحتاسه لكن يوم عن يوم راح تتأقلمي

وتعرفين تحتاجين واش ناقصك وكلها اسبوعين وتجي العطله وتنزلين مدينتك تكملين النواقص

تحتاجي أهم حاجة أغراض النظافة الشخصية
والملابس
والفرش

وحلو لو تعرفتي على الخدمات الموجودة في مدينتك

بحيث لو نقصك شي تشترينه من هناك

السلام عليكم
صباح الخير

انا بقلك عن تجربة مع زوجتي العام الماضي
ترى المخواة لها مناطق كثيرة وقرى اكثر يعني لازم تعرفي المنطقة اول شئ وبعدين بيصير كل شئ سهل معك
ولاتخافي ترى في كل شئ متوفر حتى المواصلات للمدرسة موجود ومن مكة الى المخواة ومناطقها موجود ...

واي شئ تبينه انا تحت امرك انا ...

طيب لو سمحت هل يوجد سكن معلمات في المخواة او قلوة او الحجرة و كيف نظامه !؟؟
و باصات النقل من مكة الى المخواة هل هي يوميه ام اسبوعية ؟؟ و ابغى ارقام المواصلات ،،،

اللي تقول هم منطقه نائيه و ما يحتاج كل ذا
بالعككس لازم تحط كل حيلها دامها هي بنت مدينه و ترقيهم
التدريس مهنه ساميه مو مجرد تعطون مناهج و خلاص
عموما
ملابس جيبي مثلا عشرين بلوزه و ثلاث تنانير - احسبي حساب ان مايكون عندهم مولات -
ادوات مكتبيه
طابعه صغيره
اقلام
دفتر تحضير
اوراق طابعه
فلاش ميموري
ملف اوراق
اقلام سبوره
-ادوات مطبخ
من قدور و خلافه للطبخ و النفخ و مكواه ...الخ
مستلزمات الصيدليه
الزبده شيلي كل قششك معك
خلي شنطه خاصه لهذه الامور مو انتي رايحه تسكني هناك لفتره طويله
و احس صعبه تشتري اشياء جديده من اول
فخذي كل الللي تستمعلينهم بببيتك الحين
بالتوفيق