من وحهة نظري جاممعة المجمعة تعطيك علوم حاسب ومعلومات اما جامعة شقراء تعطيك نظم معلومات اما كلية اعداد المدربين لابأس بها تخرجك على وظيفة مدرب أهم شي تتخرج على وظيفة

والاختيار بيدك

شكرا اخوي. .. لكن مارتبت الاقوى شهاده من بين هالثلاث

بدون شك شهادة الجامعات سواء المجمعة او شقراء كلها بنفس القوة واقوى من اعداد المدربين و لو اتخرجت بالشهادة كثير من الشركات تقبلك لكن انت تدور عليها الله يعينك اما كلية اعداد المدربين توقع عقد عمل معاهم اظن خمسة سنوات وتتجدد تلقائيا انك تتوظف في اي كلية تقنية او معهد مهني او ثانوية صناعية بوظيفة مدرب وراتبك ما يقل فيها عن 12 الف ريال واقرا اكثر عن الكلية في النت

مافي شئ اسمه اقوى

الهرجة ماهي تحدي عضلات كلها دراسات

ومن ناحية افضل واجود تعليم فهي اعداد المدربين

تعليم فقط بالانجليزي ومدرسين المان وتستفيد لغة قوية وتحصل على شهادتين مدرب ومهندس

اترك عنك كلام المحبطين

ومافي شئ اسمه وظيفة مضمونة في هذه الجامعة كل الجامعات فيها عاطلين

وتذكر اولا واخيرا ان رزقك بيد الله

لا اعلم ان شاء الله يكون موجود

رياض اذا معدلك كويس انصحك جامعة المجمعة علوم حاسب ومعلومات ... وع فكرة تراني انقبلت فيها فرع الزلفي بس بالامانه مارحت كنت ابغى فرع الرياض عرقة بس مااضربت معي

اما الي يقول كلام المحبطين سبق وقلت في فرق بين نظام اكاديمي ونظام ثلثي تقويم مستمر عاد انت وشطارتك تبي شهادة انصحك بكالوريوس علوم حاسب ومعلومات يكفيك ختم وزارة التعليم العالي مو مؤسسة العامة ولك حرية الاختيار

صدق اخوي فلان و علان ترى فرق بين خريج التعليم العالي والمؤسسة صحيح ان المسمى هذاك مهندس اكاديمي وهذا مهندس تقني لكن بعض القطاعات للاسف تهضم حق اللي متخرج من التقنية واكبر دليل تصنيف الخدمة المدنية الاكاديمي يصنف على المرتبة السابعة الدرجة الثالثة و التقني على السابعة الدرجة الاولى وحتى في النظام العسكري في حال تم التعيين على سلم الضباط يتم تسمية الجامعي ملازم مهندس والتقني ملازم فني و الفرق في الراتب قد يصل ل1000 ريال والترقية التفضيل فيها للجامعي انا انقبلت بكالوريوس تقني وتخصصي محركات ومركبات وودي في التجسير عند اي جامعة لكن للاسف اما انهم طالبين رسوم عالية او تم الغاء الهندسة الميكانيكية في التجسير