السلام عليكم ورحمة الله وبركاته

تم التواصل مع الشركة لاسقاط اسمي من التامينات عن طريق الوسائل الالكترونية والتحدث معهم ايضاً وللاسف الشديد لم يتم اسقاط اسمي الى الان.

حتى انني استلمت شهادة الخبرة من قبلهم امس (يوم الاثنين الموافق 6 ذو القعدة 1435هـ - 1 سبتمبر 2014م). - اخر يوم عمل لي كان يوم الاحد .

عطيتهم شهر انذار 30 يوم واكثر حتى مماطلة لمماطلة لين والله قلت بشتكي اذا ما عطوني شهادة الخبرة ورحت لرئيس المشروع وتكلمت معاه يشيل اسمي من التامينات وهو حاول فيي يقعدني في الشركة بس بكل هدوء قلت له رجاءً وليس أمراً. (ما ابي اذكر التفاصيل بس مشت ولله الحمد)

الحوار كان يوم الخميس اللي طاف الساعة 3:30 العصر وقت الطلعة من الدوام.
المهم رحت لهم يوم الاحد ومن شخص الى شخص (استغفر الله كاني في الدوائر الحكومية والشركة للمعلومية قطاع خاص) المهم قال وقع على الاوراق قلت ابشر قريت المستندات بتمعن وقبل ما اوقع سئلتهم كيف استلم الراتب قال لي روح قسم المالية (وبعدها مرمطت معاهم مع قسم المالية سئلته سؤال في اخر الحوار بتنزل في الحساب قال اي قلت له اوكي تكلم من اول ) المهم وقعت المستندات وكل حاجة قال تعال لي بعد صلاة الظهر قلت طيب --> المهم طلعت من الشركة وفريت لين ما صار الساعة 3 العصر مريت عشان استلم الشهادة وفي الاخير قال المنجر غير موجود

انها والله ذاك الوقت كنت بعطيه بوكس

قسم بالله قهرني وما حبيت اعصب عليه لاني خلاص بطلع - الزبدة جيت لهم الاثنين شفت التوقيع جاهز خذيت الشهادة

رجعت البيت فرحان وكل شيء افتكيت منهم وفي الليل ما ادري وش جا لي قلت ادخل التامينات (وقت الدخول الساعة 12:30) وشفت انه اسمي بعده مسجل في التامينات فرحت رسلت رسالة لهم بعدها بنص ساعة باللغة عربية والانجيليزية وحتى اتصلت فيهم والى الان ما ردوا علي

مقهوووور - المشكلة بروح شركة جديدة يوم الخميس (هذا الاسبوع)

بالله ساعدوني ما ادري وش اسوي

فــ ارجوا منكم حل هذه الأزمة

وشكراً

للرفع

للرفع

عادي تقدر تروح لتامينات الاجتماعيه وتقدم شكوى عليهم وانتظر 24 ساعه والا 48 ساعه وانت مفصول وريح راسك دام اخذت الشهاده منهم خلهم في حريقه

كلمت التامينات وقالوا لي انتظر اسبوع عشان يشيلوا اسمك



المهم شكلي بـــ اقدم شكوى على موقعم واروح المكتب وانشاء الله خير