السلام عليكم

ياخوان صادفتني مشكلة لما رحت لوكالة الشؤون المدرسية بقدم اعتذار عن التعيين واتفاجأ بالموظف يقولي" تقدم استقالة مافيه اعتذار الحين" ومثل ما انتوا عارفين الاستقاله موضوعها ماهو بسيط ممكن احرم من التوظيف من ست اشهر الى سنة فهل هناك سوء تفاهم حصل ام انه الوضع فعلا استقالة ؟ علما انه ما انتهيت من الفحص الطبي ولا رحت استلم خطاب التوجية للمدرسة

اتمنى من اللي عنده علم يفيدني للضرورة ولله يوفق الجميع

دامك ما باشرت وكل الي سويته مقابلة يعتبر اعتذار وليس استقاله
لكن هذا الله يسامحه يبي يعقدها لا توقع استقاله وأسال في الوكالة من هم اعرف منه
لاني على يقين وحده قريبتي اعتذرت قبل المباشره عطوها الوكالة ( نموذج اعتذار )
مكتوب حتى في مقدمته نموذج اعتذار يعني النموذج عنده أكيد بإذن الله
لكن هو يبي يوقعك على استقاله والاستقاله معروف انها بعد الدوام وانت ماداومت

وحتى لو وقعت استقاله مافيه فترة حظر وزارة الخدمه صرحت برمضان انها انلغت فترة الحظر
على من يستقيل من وظيفه حكوميه وبرضو الخنين غرد بهذا القرار

بس بعد الدنيا مو على كيف هالموظف نموذج الاعتذار موجود ولازم يعطيك تعبيه

حاول تداوم مو لشيء
فقط لانها فرص
يصعب تكرارها

[align=left][/align]

اقتباس:

المشاركة الأصلية كتبت بواسطة يُمنى العجمي دامك ما باشرت وكل الي سويته مقابلة يعتبر اعتذار وليس استقاله لكن هذا الله يسامحه يبي يعقدها لا توقع استقاله وأسال في الوكالة من هم اعرف منه لاني على يقين وحده قريبتي اعتذرت قبل المباشره عطوها الوكالة ( نموذج اعتذار ) مكتوب حتى في مقدمته نموذج اعتذار يعني النموذج عنده أكيد بإذن الله لكن هو يبي يوقعك على استقاله والاستقاله معروف انها بعد الدوام وانت ماداومت وحتى لو وقعت استقاله مافيه فترة حظر وزارة الخدمه صرحت برمضان انها انلغت فترة الحظر على من يستقيل من وظيفه حكوميه وبرضو الخنين غرد بهذا القرار بس بعد الدنيا مو على كيف هالموظف نموذج الاعتذار موجود ولازم يعطيك تعبيه

ووجهك اخوي الله يسهل امرك

هو يمكن شاف المعتذرين كثير ويبي يخوفكم من الاعتذار بكلمة استقاله
عموماً إدارة التعليم الي انت فيها بيقبلون الاعتذار

وانت اذا ماقدرت مره تباشر توكل على الله واكتب اعتذارك بخط يدك
ووضح فيه منطقتك الي تعينت فيها والمدينه واسم المدرسه
ورقم سجلك المدني ورقم جوالك ووقع عليه وسو له مسح ضوئي وارفعه على تكامل
ودامك ماباشرت ماعليك منهم هذا نظام الاعتذار المتعارف عليه ويقبلونه بدون نقاش
وهم الي حاطين خانة الاعتذار بأنفسهم في تكامل ماحطوا خانة استقاله

صراحه بعض الموظفين ينرفز الله يهديهم يصعبونها على الناس اكثر ماهي صعبه

الاخ/ عضوووو بصراحة كلام الموظف ع كلامك انه يرفع الضغط وينرفز بس هو تتوقع وكل التوقعات انه اصلاً ما يدري انه فيه خانه ف تكامل ع كلام اخواناااا اسمها اعتذار وليست استقالة لانه مثل ماقال الاخ اهي خانه اعتذار وليست استقالة وهم بنفسهم والوزارة بنفسها واضعتها لهذا الغرض ( الاعتذار ) لا قدر الله
والله يكون بعوني وعونك

الله يوفقني ويوفق الجميع يارب يا سميع يا عليم افرجهااااااا

كفيتي ووفيتي يا يمنى العجمي

الله يجزاك خير يا يمنى واخوي جريمة الله يعين

انا للامانه لولا ظروفي ما اعتذرت لكن باذن الله اخلص اعتذاري وارجع للموظف الي بالوكالة واخاطب مديرة المباشر وغير المباشر بحيث ما يبهذلون العاام الي بعدي فيه ناس ظروفهم قاسية واغلبهم معلمات