السلام عليكم :

وش المقصود بالتدريب المنتهي بالتوظيف ؟

وش أضراره و منافعه ؟ وكيف الشهادة تنفع في أي شي حكومي أو غير حكومي ؟

أرجو منكم التفضل والمساعدة
الله يعطيكم الصحة والعافية يا رب

الله يوفقكم من عنده معلومة يساعدني

يعني بعدما تخلص دورة التدريب تتوظف

له سلبيات وايجابيات
يعني بعض الشركات توقع معك عقد واذا تدربت وجاك عرض وظيفي افضل لازم تعوض الشركه بمبلغ
ايجابياته انك ضمنت وظيفه

[align=center]منافعه : تدريب كفؤ , تنحسب لك خبرة من بداية التدريب , ضامن الوظيفة , وشهادة

أضراره : إنك تكون مدعوم من الموارد البشرية : بحيث إنك لو فصلت من الشركة المنظمه للتدريب فماراح تدعمك الموارد الا بعد مُضي خمس سنوات . + زي ماقال سيف بعض الشركات تفرض عليك شرط جزائي لو فصلت أثناء التدريب ترجّع لهم مبلغ وقدره (مثل شركة الكهرباء)

ماعدا تدريب شركة الكهرباء والخطوط السعوديه فهاؤلاء غير مدعومين من الموارد .

بالتوفيق[/align]

سلبياته : احيان الشركة تغير وظيفتك اللي اتدربت عليها

يعني مثلا تدرب سكرتارية على انك تكون سكرتير تجي الشركة تغير عقدك تخليك معقب او مراسل
ولا يقولو لك مع الباب في شركات تسويها

ايجابياته : انك تضمن لك وظيفة ويصرف لك راتب خلال التدريب وعقدك يكون كموظف رسمي
وتحسب لك خبرة من بداية التدريب

الله يوفقكم ويسر لكم ،،، شكرا لكم على اجاباتكم الوافية