السلام عليكم ورحمة الله وبركاته

اخواني

انا لسه متوظف على المرتبة الرابعة الدرجه الاولى بوظيفة حكومية تابعة لديوان الخدمة المدنية
ونزلت لي وظيفة في مستشفى على شهادتي ( دبلوم حاسب آلي ) فني حاسب آلي بالتشغيل الذاتي
مع العلم معي شهادة خبره 4 سنوات مشغل أجهزة حاسب آلي

تكفون افيدوني ايهما افضل وايش الفرق بين الوظيفتين بالتفصيل ��
ياليت الي عنده خبره يفيدني بمقارنه بشكل مفصل
وانتم لو بمكاني وش تختارون؟



ولكم مني الدعاء بظهر الغيب

وشكراً مقدماً

كلها حكومية رسمية
الفرق في عدد ساعات الدوام
التشغيل الذاتي أكثر عدد ساعات دوام
وفيها بدل سكن وأكثر راتب
وإذا كنت منضبط في الدوام التشغيل الذاتي أفضل لك من ناحية الراتب وفيها ترقيات وعلاوات

خلك على الرابعة

الفرق انه التشغيل الذاتي الدوام الى الساعه الرابعه عصرا وفيها بدل سكن . والخدمه المدنيه فيها بدل حاسب الي ٢٥ في الميه من اول مربوط المرتبه او ٢٠ في الميه للحاسب الآلي انا من ناحيتي أشوف انه الخدمه المدنيه افضل لك من التشغيل الذاتي لاانه الأجازات في التشغيل الذاتي ماهي مع موظفي الخدمه المدنيه إجازات اقل ودوام اكثر ولا توجد دورات وانتدابات واستخير الله ماخاب من استخار والله يوفقك

الله يجزاكم خير بانتظار البقيه

اخوي انت فكر بالراتب اهم شي

اللي اعرفه وانا خوك انه راتب المرتبة الرابعة زائد بدل الحاسب الاي لا يتجاوز 4800 ريال! بالاضافة الى التعديل السنوي اللي تقريبا مايوصل 200 او 250 ريال ماني متاكد والله

بمعنى انه التشغيل الذاتي افضل من ناحية الراتب والتامين الطبي وبدل السكن بس دوامهم طويل الى 4 او 5 العصر
بس انت وظيفتك في فسم الحاسب الالي وترا ذا القسم في المستشفيات ما عندهم ضغط عمل مثل باقي الاقسام وانت خلك ذكي وفكر في التامين الطبي لانه بيفرق معااااك كثييييير خصوصا اذا كنت متزوج

وفي الاخير استخر وما خاب من استخار

والله يوفقك