السلام عليكم ورحمه الله وبركاته


ابي اعرف كيف اقدم على ارض. ،، انا مطلقه ،، وابي اقدم ،، مو مشكله لو تطلع بعد سنين اهم شي اضمن لي ارض

دورت بالنت ماعرفت طريقة التقديم


سؤال ثاني : هل الضمان لو طلبت منهم شراء ارض ،، لي ويسددون من الضمان ،، سؤال غريب ادري ،،

بس قلت أسألكم ،،


والله يجزاكم خيير مقدما ،،

دقي على رقم الضمان الاجتماعي بمنطقتك وان شاء الله يساعدونك
انا بس ارسلت لهم إيميل وازعجوووني دقو علي 50 الف مره ههههه
الله يكتب اجر القائمين عليه ودهم يساعدون اي احد محتاج

الضمان لا يعطي ولا يسدد قيمه الارض .. لجميع المستفيدين ..

بس المطلقات يقدرون يقدمون عن طريق البلديه لهم ارقام خاصه مع المطلقات والارامل والايتام والاحتياجات الخاصه بعد ..

ولهم تقديم بعد بوزاره الاسكان .. والاسكان لها شروط بموقعهم .. من ضمنها صك الاعاله اذا عندك اطفال اقل شي عدد 2 ..


والحل الاخير تقدمين برقيه على الديوان الملكي وهذي شغلتها تطول .. الله يرزقك

الضمان الإجتماعي مالو دخل بالأراضي
اللي اعرفه انو طلب منح الأراضي يكون عن طريق البلديه امانة المدينه اللي انتي فيها مشوار طويل الله يسهلك
والثانيه عن طريق الديوان الملكي مااعرف عنه شيء يجي ان شآءالله اللي يفيدك .

التقديم عن طريق الاماره ها اضمن شي بس ماعرف التفاصيل

اخوي من ذوي الاحتياجات الخاصه راح للبلديه قال توقف منحه تحولته الى وزارة الاسكان
الحمدلله على كل حال ذوي الاحتياجات حقهم راح شروط وزارة الاسكان لابد يكون عنده اسره

اخوي ماعنده اسره اعزب



الله يرزق الجميع كل خير

شاكرة للجميع ردودهم ،،، والله يرزق الجميع يارب

نفس الشيء سمعت انها تحولت لوزاره الاسكان والاسكان مايقبل شخص واحد لازم عائله
ان شاءالله يرجعون اراضي البلديات ويكون التقديم بالبلديه