المشاركة الأصلية كتبت بواسطة عسكري في الجيش

والله مادري لاكن اتوقع التجنيد الي هو بوابه دوار الاحساء

اقرب تكسي قل له قاعده الرياض الجويه دوار الاحساء هي حقت التجنيد الوحيده

لاكن شف العيال يمكن عندهم علم ثاني

واسف ع الاطاله للرفع

المشاركة الأصلية كتبت بواسطة فََهد الشمري

البوابة اللي تفتح غرب مقابل البوابة الملكية لقاعدة الرياض الجوية..
البوابة بتلقى مكتوب فيها فوق ((( قاعدة الرياض الجوية وكلية الملك فيصل الجوية )))..
تجي مع طريق علي عزت بيزوفيتش وتأخذ الإشارة فوق تحت وبتكون البوابة على يمينك..
قدام الإشارة كبري للمعلومية..

فاالك التوفيق..آآآمين

المشاركة الأصلية كتبت بواسطة عمر المطيرييي

الله يعطيك العافيه يعني وانا جاي من خريص اخش على طريق علي عزت وتجي البوابه على يمين

المشاركة الأصلية كتبت بواسطة فََهد الشمري

كلامك صح..إذا كنت جاي من طريق خريص على أنك جاي من حي السفارات وأم الحمام
بتدخل يسار على طريق علي عزت بيزوفيتش وبتكون البوابة يمينك..
وصح إذا كنت جاي من طريق خريص على أنك جاي من أحياء شرق الرياض
بتدخل يمين لا تكمل على الكوبري لأنك لو كملت في الكوبري بتشوف القاعدة
يمينك ويكونون مكشوفين قدامك لأنك تكون على الكوبري وهم تحت..

تقدر بعد تمسك طريق خريص على أنك جاي من السفارات لين تلقى مخرج كوبري الخليج
اللي هو طريق الملك عبدالعزيز المطار القديم تمشي فيه لين تقابل دوار وتأخذ يسار
وتلقى مبنى قيادة القوات الجوية يسارك..تمشي سيدا لين تحصل دوار أعلام المملكة فيه
تاخذ يمين وبتمشي سيدا وبتلقى مبنى القوات البرية يمينك كمل طريقك لين تلقى إشارة
تاخذ يسار اللي هو طريق علي عزت وبتلقى القاعدة والكلية يسارك على إمتداد الطريق..

أسف على الأطالة بس حبيت أعطيك كل الطرق اللي ممكن تجي من عندها..
فاالك التوفيق..آآآمين