السلام عليكم ورحمة الله وبركاتهـ .. :: ..

صباحكم / مساءكم بخ ير ,,،،,,،،


عندنا واحد سعودي رافع ضغط الشركة يغيب ويشتكي ومهمل في دوامه ويبي يمشي الشركة على كيفه ..
حقيقة ولا أخفيكم أمرا اعطيناه انذارات ويرفض يوقعها (( سواء على غيابه أو إهماله )) ونشهد عليه اثنين وانا من ضمن هذولي الاثنين ..

طبعا ترقيت في شغلي وصرت نائب المدير العام للشئون الإدارية بالمنطقة الغربية ..
جلست معاه وفهمته وتفاهمت معاه وفهمته ان هذا الشي مو من صالحك طبعا رد علي وقال اصلا (( انتوا الحروب ماعندكم أصل ويمني ماتحتسب عليا مدير )) قلتله : الله يهديك .. تعال وقع عالانذار قال والله ما اوقع .. اخذ إجازة شهر واعطيناه تقديرا له ومن حقه ياخذ الاجازة .. بعد ما رجع طلب اجازة بدون راتب لمدة 15 يوم رفضنا الطلب لحاجة العمل له .. (( عاند وغاب وبعد 11 يوم حضر )) .. وانا في الحقيقة شلت كرت دوامه وحطيتله كرت جديد رحت استفسرت من مكتب العمل قالوا المفروض ماتحطله كرت شيل كرته قلت طيب .. شلت كرته ..
وسويتله قرار فصل من الشركة لانه في الحقيقة غاب اكثر من عشرين يوم في سنة 2008 والحقيقة حسبتها طلعت 38 يوم في 8 أشهر بدون عذر مسبق .. بدون حساب أيام شهر أغسطس لو حسبناها بتطلع 38 + 11 = 49 يوم غياب ..

السؤال : هل صحيح انا عطيناه قرار بالفصل دون اعطاءه انذار بالفصل لمدة شهر ..
السؤال الثاني : انا انذرته لأربع مرات وكلها شهدنا عليه اثنين لانه رافض يوقع عالانذارات .. هل هذه الانذارات راح تفيد وتتقيد عليه ولا لا ؟؟ (( لان نظام مكتب العمل والعمال اذا غاب العامل اكثر من عشرين يوم متقطعة خلال السنه الواحدة يجب انذاره بعد عشرة ايام ))
السؤال الثالث : طبعا هو سوى معنا جلسات في مكتب العمل .. وقالي ترى الايام اللي حسبتها لي اتمسحت قلتله ليش ؟؟ قال عشان اي جلسة نجلسها تمسح الايام الغياب اللي قبل الجلسة ؟؟ صحيح كلامه ولا لا ..


ارجوكم افيدوني ..

ولكم مني جزيل الشكر والتقدير ..



دمتم على خير ..