السلام عليكم ورحمة الله
أنا موظف مرتبة رابعة من أربع شهور
وتم ترشيحي الآن لوظيفة مرتبة خامسة ..

ماهو الإجراء الأنسب
لأن كل شخص يعطيني من راسه صوت
هل أستقيل ؟ ثم آخذ قرار التعيين
أو آخذ قرار التعيين ثم أستقبل ؟
أو مو لازم أستقيل .!!
أسوي أخلاء طرف وخلاص بعد قرار التعيين ؟

وش الإجراء الرسمي
للأسف رحت للخدمة المدنية وكل واحد له رأي
نبي أهل الخبرة يفيدونا .. و شكرا للجميع

للرفع

الخبراء وينهم ، !!

أولا ألف مبروك ومنها لأعلى

والعذر لعدم الرد بدري لاني مادخلت المنتدى من يومين

وانا أخوك خلك بوظيفتك لين يصدر قرارك وبعدها تأخذ صورة من قرار تعيينك وتروح لعملك السابق وتاخذ منهم اخلاء طرف (الموظف على رأس العمل لا يمكن من مباشرة الوظيفة المرشح لها الا بعد اخلاء طرفه من جهة عمله السابقة) وتوديه للجهة الجديدة وباشر عملك فيها عادي وهم راح يرسلوا لعملك السابق صورة من مباشرتك وبموجبها راح يصدروا قرار انهاء خدماتك بدون ماتروح لهم يعني لا استقاله ولا هم يحزنون

على فكرة هذا ماهو رأي او وجهة نظر
هذا الاجراء النظامي لمثل حالتك ودعواتي لك بالتوفيق

أخوي أمير الله يبارك في عمرك

أولا ً الله يسعدك
ثانيا يالغالي هذا اللي أعرفه
لكن
استمارة التوظيف اللي عطوني أعبيها
مكتوب فيها فوق (لغير الموظفين والمستخدمين) 101
وفيها فقرات تتكلم عن
هل عملت في وظائف حكومية وماهي وليش تركتها
ومن هالحكي حوالي أربع صفحات
ووحدة منهم فيها أقرار وتعهد أني ماكنت موظف

طيب الحين أكتب أني كنت موظف أو لا !!!
هل أستقيل واعدل مهنتي ثم أكمل أجراءاتي معهم ؟

خاصة أن موظف شؤون الموظفين لما أخذت الأوراق
قال لي نصيحة لاتقول انك موظف لأنه ناس قالوا
انهم موظفين وطردوهم وحطوا الاحتياط مكانهم !!!

أنا أصلا قدمت على وظيفة المرتبة الخامسة
قبل لا أتوظف بوظيفة المرتبة الرابعة بشهر ..

والله أني ماني عارف وش أسوي
حتى الخدمة المدنية رحت لهم يقولون ماندري
موظفينهم والمدير بنفسه يقول الوضع فيه مخاطرة !!
مدري هو مو فاهم وإلا صدق الوضع خطير !!

أسأل الخنين بتويتر وإن شاءالله يرد عليك.

وبرضو الأعضاء المتواجدين في قسم جدارة عندهم خلفية عن هالموضوع إذا ودك انقل الموضوع؟

انا نفس وضعك لكن ما بعد توظفت هههههه
يعني مقدم على وظيفه بالمرتبه الرابعه وحاليا مقدم ع الوظايف الاداريه بجداره مرتبه سادسه وسابعه
السؤال لو جتني الوظيفه اللي ع الرابعه يسقط اسمي من جداره ؟
ناس يقولون لا لانه اقل من اللي تستحق وناس يقولون ايه لانها وظيفه مدنيه