السلام عليكم ورحمه الله وبركاته


ماخاب من استشار

طبعا انا موظف في شركه راتبي 6500 ريال

دوامي من 8 لما 4

وجتني وظيفه بالمديريه العامه للسجون

انا الحمدلله مرتاح بشغلي

وابي رايكم هل اكمل الاجرائات في السجون او اجلس على وظيفتي


وماخاب من استشار ..

طبعا الوظيفه جندي فني بالسجون

هل ابقى على القطاع الخاص ام العسكريه ..!

نصيحتي القطاع الخاص اذا مرتاح فيه ممتاز .. التعديل السنوي بالقطاع الخاص ٤٠٠ وفوق حسب التقييم
العسكرية تعديل الجنود ١٤٠ سنوي فقط .. استخر وفالك التوفيق

ماشاءلله دامك مرتاح بعملك خلك فيه العسكرية قشرا وانا عريف زيادتي السنوبة 175 ريال تشوف كيف الزيادة الي تملى العين !!!!! والله لو القى وظيفة كويسة بشركة او مدني حكومي فصلت بكرة .بالتوفيق

دام أن الشركة بها المميزات ذي ومرتاح وفيها أمان وظيفي بالمستقبل
ليه تقدم عسكري أو وش خلاك تفكر تقدم (تدور وظفية أخرى) ^_*
على العموم بالتوفيق لك

دامك مرتاح بوظيفتك وماشاء الله راتبك ممتاز
والتعديل كويس خلك فيها احسن لك من هالعسكريه

وش لك وش للقرف والقروشه وش لك وش لوجع الراس والقلق

خلك بشركتك يارجال والله العظيم أنه افضلك بكثير

جندي سجون إستلامات ومساجين وتقابلك ناس واجناس ونفسيات وش لك وش للهم

وكل من جاء وكل من راح يتامر عليك وتعديل 130 مادري كم

خلك بشركتك ياخي واحمد ربك وان كان عندكم وظيفه شاغره راسلني خاص خلني اسحب ع العسكريه

والله ياخوك دامك بتروح جندي انها ماتخارج ابد لوك بتروح رقيب ولا وكيل رقيب كويسه لاكن خلك ب الشركه افضل واذا كان عمرك صغير حاول تكمل جامعه انتساب وحتى لو كنت كبير كمل نصيحتي لك والله يسهل امورك

نصيحت مجرب لا تقرب السجون ولا العسكريه والله يوفقك بالشركه

وعليكم السلام ورحمة الله وبركاتة


اخوي تدخل جندي في هالعسكرية وفي هذا الزمان الى ظهرك فلوسك ماينفع

الا في حالة وحده المحتاج الــــمحتاج


كمل جامعة ولاتسمع كلام احد ان الشهادة ماتنفع وماتنفع الا الواسطة الخ الخ

كمل جامعة انتساب او باي طريقة وخذ شهادة البقر وتيوس صدقني المستقبل ماله امان

على الاقل لو صار شي في الشركة تروح تقدم على العسكرية ويقبلونك رقيب او وكيل رقيب وراتبك اقل شي 8500 ريال او حتى تنقبل على وظيفة حكومية مدني ابرك من العسكرية


خليك في الشركة وعيش حياتك ووسع صدرك وكون مستقبلك وسافرر واشتر الى خاطرك فيه وساعد اهلك مدام مرتاح الخ الخ

وادخل جامعة وخذها حتى لو عمرك 30 سنه وفوق ايه حتى لو عمرك 34 ادخل جامعة وكمل دراستك

ولاتقول ماني حق دراسة ومالي خلق يعني الله أكبر اكثر الى تخرجو جامعة يعني الحين مقطعين الثقافة

فكر في مسقبلك و الشهادة مهما يكون تعتبر سند لك للمستقبل ...