السلام عليكم ورحمة الله وبركاته

أبي اسألكم ياأخوان عن الأفضل

وظيفة مدنيه المرتبه الرابعه

أو جندي أول صحي بالحرس الوطني

ابي أعرف الأفضل والمميزات الله لايهينكم

لي اسبوعين م حصلت إجابه

تبي الراتب والقلق والعسكريه والقروشه رح جندي اول تبي راحة البال والراتب القليل رح المرتبه الرابعه

لو انا محلك اروح الحرس صحي وأنا مغمض
أول شيء انت صحي بتداوم بمستشفيات الحرس وأحلى فلة وراتبك مضمون فوق 7
ولا فيه كرف ولاشي وأسأل أي عسكري صحي أو أسأل إلي بالخدمات الطبية للقوات المسلحة
وحتى لو فيه كرف شوي عادي أهم شيء الراتب
أما المرتبة الرابعة راتبها 4000 ويمكن عليها كسور وأنت عارف ما تسوي شيء تبي تطلع موتر مثلا أخذو أقساط 1500 كم يبقى لك 2500 وش تسوي الايام ذي أهم شيء الراتب وإذا فيه أحد يساعدك رح مدني
في الآخر القرار لك لكن ذي وجهة نظري وأتمني لك التوفيق أن شاء الله

مدني مرتبة 4 احسن من العسكرية كلهااا

والله على جسب الراتب وجندي اول صحي كويسه جدا راتب ودوام راحه وبالمستشفيات في البراد

يعطيكم العافيه ع الردود

مازلت محتار

انا اللي اعرفه ان العسكري الصحي مرريح
واانت استخير مره ومرتين الين ماترتاح لوحده منهم

جندي اول صحي آفضلك

لا يغرك الراتب في الحرس
صح المرتبة الرابعة راتبها حدود 4600 بس مع التعديل السنوي و الترقيات بترتاح
و المدني افضل بمراحل من القطاع العسكري بجميع وزارته

استخير وشوف اللي يناسبك

يعطيكم العافيه