09-09-2014, 11:33 PM
|
عضو نشيط
|
|
تاريخ التسجيل: Oct 2011
المشاركات: 118
معدل تقييم المستوى: 51
|
|
حساب الكيلو والنصف والربع عن طريق ميزان
وهناك شغلة ممتازة لما توزن مثلا الخيار والكوسة ويصير كيلوا فيصير انت تحطه في فلين وتغلفه وهكذا مع النصف والربع كيلوا حطهن بفلين وغلفهن يصير الزبون ياخذ شي نظيف مغلف موزون ويتوكل على الله
اهم مايميز نجاح مشروع الخضار عدة امور :
1- الموقع ثم الموقع ( إما مقابل جامع او بجانبه .. او بجانب تموينات .. او على طريق مدارس ) بشرط ان يكون على شارع حيوي متحرك وفي نفس الوقت يخدم المنازل المجاورة
2- نظافة المحل والخضار وترتيب الخضار بشكل ممتاز ووضعها بصحون فلين وتغليفها بالنايلون
3- توصيل الطلبات
4- التعامل الحسن مع الابتسامة والكلمة الطيبة والسماحة بالبيع ( لو مثلا نقص الزبون ريالين او ثلاثة ريال مشيها عليه بابتسامة ) < صدقني هالحركة بتخليه يرجع عليك مرات ومرات
ـــــــــــــــــــــــــــ
نصيحة : لاتكثر فاكهة بالبداية يعني جيب لك على شوي شوي وفواكه محدودة ( لاتكثر من الفواكه عشان ماتخرب عليك ) مثلا الكيوي صندوقين - الخوخ صندوقين - المانجا صندوقين - المشمش صندوقين - العنب صندوقين .. والباقي عبي المحل من الخضرة والورقيات هي اللي تمشي ويكون عليها طلب بشكل يوميا صباح ومساء
انصحك تشتري ثلاجة عرض ( برادة طولها 4 امتار او 3 امتار ) افضلك مثل حقت العثيم وبندة
يوم الجمعة بعد الصلاة بيكون يوم مختلف راح ينكبون عليك الزبائن بشكل فضيع لذلك خلي عندك احتياط لهذا اليوم بان تكون مجهز المحل من والى .. في هذا اليوم بالذات يُستحسن الاكثار من الفاكهة والخضار ( بشرط ان يكون موقعك ممتاز مثل ماقلت لك )
اهتم باللوحة والاضائة
ولابد تصلي الفجر كل يوم عشان تنطلق بعدها للحلقة
ــــــــــــــــــــــــــــــــــــــــــــــــــ ـــــــــ
لكن بعد كل هذا انصحك بخيار افضل وانجح منه وذو عائد مادي كبير ( وهو المطعم ) تخصص بشيء معين كشاورما او بيتزا او برجر
احد معلمين الشاورما الاتراك يقول ربح صافي لك يومياً 3000 ريال على حسب الموقع واقبال الزبائن .. فلابد من التميز والنظافة والطعم مع التوصيل حتى تدخل يوميا 3000 الاف ريال اي مايقارب 90 الف ريال شهريا ( وقبل كل شي اشرافك عليه بنفسك )
وخذها قاعدة : الاكل مافيه خسارة متى ماتوفر الموقع والنظافة والطعم والتوصيل والاشراف عليه بنفسك .. الشعب هنا يحب ياكل
|
العرض العادي
