السلام عليكم ورحمه الله وبركاته
قصتي ياجماعه الخير كلها ديوووون في ديووون تعبت نفسيا الراتب يجي ويروح كله اقصاااد
يعني بالعربي راح تجلس في العسكريه 20 سنه ونا على هذا الوضع ....قررت قرار اني استقيل من العسكريه واخذالحقوق راح يجني بحدود 170000 الف وعندي مشروعين ومحتااار فيهم الاول بيع وشراء السيارات المستعمله ويقولن فيه مكاااسب والمشروع الثاني محل خضار وفواكهه علما اني انا الي راح اجلس في المحل واديره واجيب عامل يساعدني بترتيب وتنظيف المحل ,,,,,,معليش طولت عليكم في الكلام
ابي رايكم في هذي المشاريع والي يدخل علي مبلغ حلو اصرف فيه على اسرتي واعيش عيشه كريمه
انتظر ردوودكم يا اخواني وايش تشيروااا علي فيه

وعليكم السلام ..

ربي يسهل امرك ويفتحلك ابواب الرزق من حيث لا تحتسب .. والله ماعندي علم يجي من يفيدك ان شاءالله.

بالتوفيق .

الله يرزقك مليون ريال في ليلة وضحاها
امين يارب

انصحك بمحل خضره وخل الباقي للزمن

اسأل الله سبحانه وتعالى أن يرزقك من حيث لاتحتسب ويبارك لك بعمرك ومالك واولادك ،

* نصيحه لاتترك العمل ، اذا من جد تبي تشتغل حاول تشتغل وانت ماسك وظيفتك ماحد يدري عن الربح والخساره وهذي ارزاق من عند رب العالمين .


انا جربت شغلتين

1- المعدات الثقيله ، قلابات -- تعبها كثير ولازم لها مداراه وصيانه ومتابعه وتدور على المشاريع وتطرد ورى حقوقك عند المقاولين .
لازم تكون عندك سيولة اذا بتدخل هذا المجال.

2- مطعم وجبات سريعه .. شغله مافي احلى منه خصوصا اذا كان عندك توصيل وتسوي دعايه طيبه للمحل . * أهم شيء رضا الزباين عن الطعم ووصوله لهم حار ، والدعايه لها اسرااااااار ترى **

وبالطريق ان شاء الله بدخل بعالم الجوالات :$

موفق باذن الله

شاكر لكم ولكل من اعطي رايه والله يجزاكم خير
بالنسبه للعمل تركتته وانتظر الحقوق لجل ابدا باحدااا المشروعين والله يكتب الي فيه خير لي ولكم
وانشالله بعد بفتره راح اعلمكم ايش صااار معي والتوفيق من رب العباااد

أنا أنصحك بمحل الخضرة أو أي محل تجاري آخر مو شرط الخضرة,
حلاق, خياط, بقالة, بوفيه, فوال, مطعم بخاري,,, إلخ.
وما أنصحك بالسيارات وخراباتها ماتدري من وين تطلع لك الخرابات فيها,
مثلا بتبيع السيارة وهي عدله قدامهم ومافيها أي شي وبالآخر يكتشفون فيها شي خربان وانت ماتدري عنه من البداية بيدعون عليك,
تجنب دعوات الناس وريح بالك,
شغلة بسيطة تسترزق منها أحسن لك من شغله تكد فيها كثير على حساب الزباين وظلمهم
أنا ماأقول ان الشريطية ظلام بس أقول لك تجنب الشغل اللي يمكن انك تظلم فيه زبون بالغلط ولو بنية طيبة,
ولكم تحياتي.

محا خضار احسن واحرص دايما على النظافه في المحل والخضار ودامك بتراعي حلالك بنفسك احسن شي


ورببي يوفقك

اسال الله لك التوفيق اخي الكريم
عليك بمحل الخضار
باذن الله فيه خير كثير
انا كذلك متقاعد من العسكرية
ووقبل يومين كنت في سوق الخضار في خميس مشيط
والله ياشباب ممكن اي شخص يبدأ تجارة ب٥٠٠ ريال فقط
بحيث تصلي الفجر في السوق وتقابل المزارعين
تشتري المحاصيل جملة
وبالكثير ساعتين الى ثلاث ساعات
وانت منتهي من تفريقها على الزباين
مثلاً في الصيف عندنا العنب والرمان
لانها بضاعتي من المزرعه
ابيعها جمله بالسلة حوالي ١٥ كيلو
وسعرها جملة في حدود ٣٥ ريال
واهل البسطات في السوق او على الطرق السريعه
يبيعونها بحدود ٦٠ ريال واكثر
خاصة اذا تم توزيعها على سطول صغيرة
السطل ب١٠ ريال
والسلة فيها تقريباً ٧ سطول
واما اذا تستاجر محل في حي لايوجد به محل خضار
فاحسن واحسن
تشتري جملة وتبيع بالكيلوا
واهم شي تواجدك في المحل مع العامل
وارجو لك التوفيق