أضم صوتي مع أخوي محمد2005

بالنسبة لي أخذت كورسين في نيوهورايزن_دايركت انجلش وبرضو درّست فيه بعد كذا لمدة شهر..

شخصياً استفدت من دراستي فيه إلى حد ما لكن أنا تخصصي أساساً لغة انجليزية فيمكن هالشيء ساعد.


طبعا مشكلتنا لما ندخل معهد نعتقد أنه بنطلع منه بلابل.. لكن الدراسة في المعهد حقيقة راح تعطيك قد ماتعطيها..

يعني لابد الواحد يطور نفسه بنفسه قبل أي شيء، يقرأ ويطلع ويترجم كل شيء تقع عليه عينه.. ماأقول اقرأ لك مجلدات وإلا كتب لكن حتى اللوحات اللي تشوفها بالشوارع أو الكلمات البسيطة اللي تقراها هنا وهناك أو اللي تشوفها وتسمعها بالتلفزيون أو أو.. كلها حاول تترجمها وتكررها لين ترسخ..

أتذكر وحدة من صديقاتي كان عندها سبورة صغيرة في غرفتها وكانت كل ماتعلمت كلمة جديدة كتبتها عليها لين تحفظها..

برضه حلو يكون عندك دفتر خاص وتسجل فيه الكلمات أو حتى الجمل اللي أعجبتك وتحب تستعملها..


الخلاصة أنه اكتساب اللغة يبدأ من عند الشخص.. والمعاهد مجرد وسيلة تعزز أساسياتك وتنمي بعض قدراتك وتزيد حصيلتك بالتأكيد فيما لو كنت حريص فعلاً وتتابع وتسأل خارج المنهج..


بالنسبة لـ دايركت انجلش فأتذكر أنه كان الكورس بالصيف رسومه 1800 ممكن تمدد المدة إلى 3 أشهر على ماأتذكر (لكن في الحقيقة مدته 19 يوم فقط، لأنه القرامر الظاهر 9 دروس والمحادثة من حقك 10 جلسات) وكل أسبوع ممكن ماتحضر إلا 3 أيام أو يومين حسب رغبتك..
وعندك مادتين فقط : قرامر ومحادثة.. وممكن تاخذ محادثة فقط وبالتالي تقل رسوم الدورة.. طبعاً هالكلام من كذا سنة وماأعرف نظامهم الحين.


طبعا القرامر كانت مدته ساعة، وكان ماعليه مفيد بالنسبة لي والكتب تفتح النفس والمنهج خفيف..

وبرضو المحادثة كانت ساعة بس بصراحة كانت قليلة وتمر بسرعة.

المعهد عموماً جميل لكن مشكلة الكورس أنه قصير سواء بمدته عموماً أو بمدة الدرس.. يعني مهما كانت الفايدة ماتحس أنها ذيك الفايدة اللي مرررة << عاد افهمها


التعامل راقي والمدرسات كانوا حبوبات وش حليلهم (بس عاد مدري عن الرجال )


بالتوفيق أخي الكريم..

الف الف شكر اختي Lanaعلى هذه النصيحة النابعة من اختي تريد الخير لاخوانها واخواتها المسلمين وبالاخص ابناء وبنات وطنها الغالي ....
بس اين الاخرين معقولة 35 قاري للموضوع ولاشارك ولو بجير خاطر....
تحياتي،،،،،،

اكاديمية الفيصل العالمية

رفع....................

.......................................

بالنسبه لي .. جربت وول ستريت وديركت انجليش ..

انا استفدت من وول ستريت يمكن لان المدرسين كانو اجانب يعني لغته الام الانجليزيه .. المهم اخذت عنه دوره 6 شهور وطلعت واستفدت كثير منها ..

وبالنسبه لديركت انجليش .. للاسف جلست عندهم سنه ونص في فرعهم الي على طريق خريص بس ما استفدت اي شي حتى يوم الاختبار المدرس يغششك .. .

اكاديمية الفيصل ... او اكدايمية الجزيرة


ولا اذا زايدة فلوسك ادخل ول ستريت

بالتوفيق