مستشفى الدكتور سليمان الحبيب الطبية/ وظائف للجنسين

k7ilan · #11 (**permalink**) 11-09-2014, 12:33 AM

هل استطيع تحديد دوام مسائي فقط
وياليت نعرف مواعيد الدوام

دريم لولو · #12 (**permalink**) 11-09-2014, 01:01 AM

اقتباس:

المشاركة الأصلية كتبت بواسطة k7ilan

هل استطيع تحديد دوام مسائي فقط
وياليت نعرف مواعيد الدوام

ماتوقع تقدر تحدد انا قبل 5شهور داومت عندهم اسبوع وماتحملت الدوام ضغط وكرررف والشفت الصباحي من 7لـ 5 العصر والمسائي من 1 الظهر لـ 10 فالليل ويقولون لك ع حسب الجدول وممكن يحطونك كم اسبوع ورا بعض صباحي او العكس يعني ع حسب مزاج المشرف ....

والله يعين اللي بيتوظف عندهم

أخصائية بدون عمل · #13 (**permalink**) 11-09-2014, 02:11 AM

اقتباس:

المشاركة الأصلية كتبت بواسطة لو يوم أحد

اختلاط مقزز اخت سارة، انا جربت وكنسلت من ساعتين بس دوام كنسلتهم تماما

الامر الاخر، اذا البنت مو محتاجة للوظيفة فلا تتوظف فيها ابدا وخلوها للاجنبيات ، اشتري سمعتك وانا اخوك انا اشتريت سمعتي ومستحيل اداوم في اختلاط شركة ولا مستشفى

البنت المحتاجة تتوظف بس تهتم في حشمتها ويا ليت اذا احد تعرض لها او ساومها تطيح راسه ، بس للاسف البنات عندنا خوافات اذا احد ساومها على وظيفة او علاوة او منصب اما انها تكون لعابة واصلا ما دخلت هالمجال المختلط الا علشان تفلها فتجاريه وتعطيه اللي يبي، واما انها خوافه وتفصل ، ليش ما تجيبين راسه ترى الهيئة يقدرون هالقضايا اخر تقدييييير

، يحبون يطلعون في الصحف مثل هالاخبار : (الهيئة تطيح بمبتز استغل منصبه في الايقاع بالفتيات والتغرير بهن )

مع الوقت ومع وقوع رووس كثيرة راح تخلقون بيئة عمل مختلطة صحية ومثالية ومحترمة وما عاد احد من الاهل بيقولون شي للبنات اللي بيشتغلن لانهم بيعرفون ان فيه نظام يمنع التحرش حتى لو ما هو موجود على الورق لكن القضايا اللي تمت مباشرتها تصبح بمثابة مسودة قانون يرجع اليها المجتمع والقضاة مستقبلا وتحياتي للشرفاء والشريفات فقط .

جزاك الله خير
أنا اتفق معك بكل كلمة
رحت المقابله وكل شي تمام بعدها دخلت تدريب
وما كملت بيئة العمل غير مناسبة

الله يرزقنا من فضله
انصحكم ما تقدمون عليهم

وبالتوفيق للجميع

أخصائية بدون عمل · #14 (**permalink**) 11-09-2014, 02:15 AM

اقتباس:

المشاركة الأصلية كتبت بواسطة دريم لولو

ماتوقع تقدر تحدد انا قبل 5شهور داومت عندهم اسبوع وماتحملت الدوام ضغط وكرررف والشفت الصباحي من 7لـ 5 العصر والمسائي من 1 الظهر لـ 10 فالليل ويقولون لك ع حسب الجدول وممكن يحطونك كم اسبوع ورا بعض صباحي او العكس يعني ع حسب مزاج المشرف ....

والله يعين اللي بيتوظف عندهم

كلامك صحيح
لازم صباحي ومسائي وساعات طويلة وعمل شاق لابد الشخص يحفظ جميع الاقسام واسماء الاطباء والفروع والرمز واللغة الانجليزية مطلوبة لان الاقسام تحفظين عربي والانجليزي

الله يوفق الجميع
للامانة ومن خلال تجربة ما انصح فيهم

ساره تركي · #15 (**permalink**) 11-09-2014, 02:49 AM

جزاك الله خير على الكلام صراحه رفضت كثير. وظايف السبب أختلاط مافضضل هالمجال نهائي..

محتار وش الي صار · #16 (**permalink**) 11-09-2014, 03:42 AM

تم إرسال السيرة الذاتية ، بإنتظار إتصالكم ..

بكالوريس تغذيه · #17 (**permalink**) 11-09-2014, 04:26 PM

الكول سنتر قسم نسائي مستقل بدون اي اختلاط متأكدا من هذا الكلام ميه بالميه

الاختلاط بالاستقبال والموارد البشريه

وبالنسبه للراتب اللي اخبره كان 4000 وزياده الثانوي عن الجامعيه 300 ريال فقط

الدوام قبل 3 شهور يا تختارين يومين أوف و 9 ساعات دوام باليوم او 8 ساعات ويوم اوف
بعد الثلاث شهور يومين أوف و7 ساعات دوام باليوم
أسبوعين صباح أسبوعين مساء

أوقات العمل اللي ذكرتها فوق هذا للكول السنتر الأقسام الثانية مابعرف

وقدمو وحربو ترى قدرات الأشخاص مو مثل بعض ناس تقدر تجتاز وناس ماتقدر وبالتوفيق للجميع