بسم الله الرحمن الرحيم
السلام عليكم ورحمة الله وبركاته
ياقماعة الخير
انا طالب بالثانوي وابي استشيركم عن مشروع لعطورات اشتريها جملهه وابيعها مفرق
اروح لديراب مثلا اللي على طريق المزاحمية واشتري الاطياب مناك وابيعها جمله بالرياض اللي هو وكري طبعا انا سعودي وفكرة العطور اخذتها من عامل كنت جالس اسولف انا وياه وحلبته

(يعني نشبتله وسالته لين قالي )قالي اني اروح لديراب واخذ عطور من هناك بالجمله وابيعها هنا بالرياض واكسب من وراها خير فانتم وش رايكم علما لان الوالد عنده ونيت قديم بالمزرعة بس شغال وكويس وايضا تجارة الخضار والسكراب ولاهنتوا ابغى اجابات شافيه مهب معقوله الاجانب يعرفن اكثر منا بالتجارة وحنا اولى بالربح اللي فيها ايضا عن مشروع دنه نقل وبيع بطاقات شحن على العمال وغيرهم يعني اشتري البطاقات جمله وابيعها طبعا كل هذا يبي يصير بالعطله الحليوة اللي تبي تجي باذن الله مشروع الدينات ابغى ناس مجربيين وخبراء ولايهونون الباقين
جاوبوني على كل شي وان شاءالله تكون في ميزان حسناتكم ياصقيقني

ردو ياشباب

وعليكم السلآم

لآني بنت ماعندي علم بالموضوع ~> آجل ليش داخله ~> داخله بالغلط

عموما أن شاء الله يجي اللي يفيدك

والله يكتب لك الخير وللجميع

والله ان البلد فيها خير واااجد بس للأسف اللي مستغلها هم الأجانب وعيال البلد عاطلين باطلين,
ومانقدر نلومهم ليش؟
لأن الأجانب مسويين فيما بينهم لوبيات منتشرين في أنحاء الوطن,
ولما يجي ولد البلد يبي يدخل في مجال تجاري يحاربونه في رزقه,
لو شافوا أجنبي يتعاونون معه لكن لما يعرفون ان الموزع أو التاجر سعودي ماراح يشترون منه,
إن شاء الله أكون غلطان,
والله يصلح الحال.

جزاكم الله خير ونبي تفاعل اثر وانا عارف الكلام هذا يابو حسونة واكثر شي غبني انه فيه اجانب مستاجرين مزارع !
الله لايهنكم ابي تفاعل اكثر وتحطون خبراتكمن عشان الكل يستفيد

نسيت اضيف شي بسيط الوالد عنده ددسن وفانات سكراب اوزانها بين ال850 كيلو الى 1000 كم تسوى بالكيلو ؟

للرفع ياشباب

ارسي لك على بر يابطل
تبي عطور ولاسكراب ولاخضره ولابطائق سوا
حدد عشان تلقى من يفيدك باذن الله

بتاع كلوو ياحبيبي اهم شي اغتني واكيش لي موتر واضبط اوضاعي طبعا فكرت فيها كلها ولقيت ان مفتاح المشاريع اللي مكتوبة فوق هو الدينة نعم انقل عليها خضار حديد اثاث اي شي وترا فيها خير بس ابغى اقتراحتكم
ومساعدتكم بخبراتكم ومثل ماقلت بتاع كلوو يااحبائي

تكفون ردوا