معقوله الموضوع مو مهم لهالدرجه

الله لايسمحه الي يسرق أموال أهله

السلام عليكم.........
دموع حزينة الموضوع مهم فعلا وانا عندي الصراحة احد وممكن اوصله هذه المعلومة لانه انا كمان من وجهة نظري المفروض تلقائيا اذا المستفيد كبير في السن يخلوة يستلمة من دون حكاية البطاقة هذه نهائيا لانه انا كمان سمعت حكاية عندنا في مكة انه وحده قالت لراعي السيارة الي كان على الصراف انه يسحبلها ماتعرف لانه هي جات لوحدها مع اليموزين ونزلت مسكينة راح قلها مافي ياخالة مانزلولك شي والمسكينة وهي رايحه الا تقابل وحدة زيها بس مع بنتها وتقولها الله يهديهم الضمان مانزلوة الا تقولها البنت الا ياخالة نزل واحنا الان بنسحبة ............شوفوا وصلنا لدرجة ايه والله كبار السن مستضعفين لازم ننتبه لهم بس اش نقول

حياكِ الله اختي دموع حزينة ...

راح اناقشك اختي ربي يسلمك ...

انتي تعرفي انه قبل سنين كان الصرف في الضمان كاش ...

كانت الفلوس تنسرق وتضيع ويصير فيها اختلاس ودعاوي كاذبة ...

وان كان الصرف كاش فلابد يكون كل 6 شهور دفعة واحدة لانه العدد كبير

ومستحيل كل شهر يجون يستلمون كاش كل المستفيدين من الضمان ...

وزارة الشؤون الاجتماعية اقترحت حل اجتماعي ...

ان تصرف بطاقة صراف لكل مستفيد ... منها تحسسيه انه مسؤول عن ماله

وانه المال شهرياً راح ينزل وبأنتظام بدون داعي لانتظار ولا حضور ...

ناس تقطع مئات الكيلومترات لاجل مراجعة الضمان ولكن دام بالبطاقة فأقرب صراف

للراجحي وانتهت المعاناة ...

خففنا الزحام عن مراكز الضمان وجعلناها تهتم بأستقبال الطلبات ...

وفوق هذا تشجيع لكبار السن لتعلم القراءة ومكافحة الامية لاجل لا ينضحك عليه ...

فيه توافق اجتماعي وتكاتف يوم يطلب من شخص يصرفها له ...

وش ذنب الضمان انه ابنائه او اقاربه ذممهم ضائعة ومنتهية ...

يقدر يبحث من هو ثقة من امام مسجد او قريب يخاف الله ...

او حتى موظفي الضمان او البنك وحنا تجينا حالات تطلب من المدير المساعدة

في سحب المال لهم ويخرج هو بنفسه او يرسل موظف معروف ...

وللعلم حنا يوم نسلم البطاقة للمستفيد نعلمه 3 مرات كم استحقاقه في الشهر لاجل

يحفظه ولا ينساه ونقله ان نقص تعال راجعنا وش السبب لا يكون احد اكلك ...

ونعلمهم لا تعطوها الا لثقة ....

طبعاً رضا الجميع غاية لا تدرك ....

احنا هنا ارضينا الفئة الاكبر و الاكثرية راضي عن البطاقات خاصة انه على قولتهم

فكتهم من زحمة الضمان والطابور والانتظار ...

وعجوز تقول كنت اجيكم من 150 كم اما الان اصرفها قريب من المحطة بالطريق ...

اذن الطريقة والخطوة المتبعة سليمة ...

وان كان هناك متضرر فهم قلة ...

والضرر من طرف المستفيد نفسه ... فلا يمكن للوزارة ان توفر ابن او قريب بار ...

والله ان جات عجوز ودخلت عندنا الضمان وقالت يا عوالي تكفون احد يسحبها

لي كان لقيت الموظفين من المرتبة 4 للمرتبة 11 كلهم يتسابقون لسحبها لها ...تحيتي

اولا اشكر كل من تفاعل مع الموضوع..ثانيا اخي علم اجتماع انا ماطلبت من الوزاره

توفير ابن بار لكن من واجب الوزاره وضع نظام يكفل للمستفيدين حقوقهم واعتقد انو

الوزاره ماوضعت الا لخدمة هذه الفيئه وكذلك الموظفين ياخذو رواتب مقابل خدمتهم .

هل تعتقد ان من تجاوز السبعين من عمره قادر ان يتعلم طريقة السحب من خلال

البطاقه حتى ولو قمت بتعليمه مائة مره وهل تعتقد ان من يعاني من اعاقه اومرض

قادر على ان يذهب بنفسه للصرآف الآلي اوامرأه كبيره في السن تقدر على الذهاب

بمفردها.اما حكاية تشجيعهم على التعليم فما اعتقد انها مفيده لانهم لن يستطيعو

سوى حفظ سور قليله من القرآن .كنت اتمنى منك ان تناقش الموضوع بعيد عن

العصبيه والتفكير بحلول تناسب مع وظعهم وظروفهم لاني اتكلم عن فيئة كبارالسن

وليس جميع المستفيدين من الظمان وللجميع تقديري

اختي دموع حزينة ...

وين التعصب والعصبية ربي يسلمك ...

تأكدي انه لا يوجد حل جذري للموضوع ...

هناك طريقة واحدة وهي ان تقوم الوزارة بتأهيل موظفين وموظفات لتسليم

مستحقات المستفيدين في بيوتهم ... وليت الوزارة تقوم بهذا ...

الوزارة لعلمك اختي الكريمة نايمة ... نعاني نقص في عدد الموظفين

وهم ولا على بالك ...

طلبنا وطلبنا وطلبنا والوزارة ترميها في وزارة المالية ...

وللاسف وزارة المالية عندنا تتعامل مع بقية الوزارات بتعالي وبيروقراطية ...

صدقيني وضعنا راح يكون افضل ان تغيروابعض الوزراء ...

فعلاً اختي الكريمة ... موظفي الضمان وضعوا لخدمة المستفيدين وياخذ راتب لقاء

خدمته ... ولكن ليس من واجبه ان يساعد المستفيد في صرفها له من الصرافات

ان فعلها فخير له واجر لكن غير مكلف بذلك وهناك توصيف مهني اختي الكريمة ...

خدمتهم نعم ... لكن ماتتجاوز حدود العمل المنوط به ...

اتمنى ان عندك اقتراح توفينا به ... وكيل الوزارة راح يدعوا لاجتماع قريب

فأتمنى طرح اقتراحك اعرضها عليه ... تحيتي

اخي انا لاطالب الموظفين لاني اعلم انو ليس لديهم حل بل اطالب الوزاره لانها هي من وضع

النظام واعلم ان الموظف ماعليه سوى تطبيق القرارات واعلم ان الوزاره والوزراء

نايمين في العسل وواضح انو ليل العسل طوووووووووووووووووويل ولكني اتمنى فقط

وليس لدينا سوى الأماني ان يكون هناك حل يقضي على هذه المشكله

والله اختي الحرامي حرامي...


يعني اخذوا اهله بيدهم.. او عن طريق طاقة..

صحيح في حالات ما تقدر على استخدام البطاقة.. لكن افضل من فلوس باليد تضيع ..وبهذله.. واجتماع كبير جدا..

وتجمع وتعطيل العمل عشان عدل الاسماء.. وخصوصا كل شهر صعب جدا جدا..

اعطاء الفلوس كل شهر افضل من زمان تتجمع بالشهور..

واختي فيه من كبار السن.. منهم ما يعرفون ابد يستخدمون الفلوس..ياخذها ويصرفها في شئ تافه.. انه يكون فيه احد يمسكها ويشتري لهم احتياجاتهم افضل...

ومهما سووا راح يبقى نقص..