السلام عليكم ورحمة الله وبركاته
اخواني اعضاء المنتدى الكرام

انا موظف استقبال في مستوصف اسنان ولي الان سنه تقريبا وماسك الحسابات وشايف ان الشغله مربحه يعني الشهر اذا كان ميت ميت 75الف مع العلم ان مصاريف المستوصف بالشهر من كل احتياجات تقريبا ماتتجاوز 8000وفكرت بالمشروع طبعا المشروع راح يكون بقريه مافيها مستوصف خاص وفيها مستشفى عام ومستوصف حكومي مع العلم ان القرية

مو من القرى الميته خصوصا اني من القرية واعرف اهلها

استفساري
هل الرخصة سهله مع العلم انني خريج ثانوي واذا مايعطون رخصه اقدر اشارك طبيب اجنبي واخذ الرخصه
ثانيا هل يوجد صناديق تدعم مثل هذه المشاريع كصندوق عبداللطيف جميل
ثالثا من وين ابدى من الصحه والا البلدية والا من وين بالزبط

هذا المشروع الاول
:/:::::::::::::::::/:

المشروع الثاني
مدرسه اهليه روضه ابتدائي متوسط ثانوي
ابي استفسر عن هالمشروع ناجح والا لا وتقريبا كم التكلفه وهل سهل استخراج تصريح لفتح المدرسه مع العلم ان لدي 4 خوات خريجات جامعه تربويات بتخصصات مختلفه
وهل في صندوق يدعم هالمشروع
ومن وين ابدى

جزاكم الله خير الجزاء وعلى طريق الخير سدد خطاكم

كما اشكر القائمين على المنتدى من ادارة ومشرفين ومشرفات واعضاء وزوار

تقبلو جل احترامي

عاشق الكرناف باانتظار ردوددكم

وعليكم السلام ورحمة الله وبركاته

شوف أخوي أنا عندي معلومة كان أحد الأقرباء يبي يفتح مسوصف فدور بالجماعة مالقى احد توقع وش سوى راح وتزوج دكتوره وفتح المستوصف بأسمها والآن ماشاء الله تبارك الله عنده عدة فروع يعني لازم يكون عندك شهادة وأتوقع لو دورة من هالدكاتره تعطيه نسبه ولا تنسى تكتب بينكم عقد بذلك عشان لا يجرد فيك

بالنسبة للمدرسة فمشروعه مربح وأعتقد بأن المدرسين والمدرسات عاطلين خاصة واعدادهم كبير والوظائف قليلة


بالنسبة للصندوق لدعم المشاريع تلقاه بقسمنا" قسم المشاريعوأفكار " لا ومثبت كمان ممكن تراجعه وياليت يكون تسوي دراسة وتقدمه أختك لحصولها على الشهادة وممكن أحد الأخوان يفيدك بذلك

قرأت موضوعك وحبيت أفيدك

أعتقد افادة اخوي / السكب كافيه

الله يكتبلك الي فيه الخير

ولكن لا تنسى تستخير في المشروعين

((( من لزم الأستغفار يوميأ 100 مره فأكثر بنية الوظيفه او الأولاد أو الشفاء أو التجاره رزقه الله حسب نيته )))

وعليكم السلام ورحمة الله وبركاته

ماشاء الله .. كلا المشروعين رائعين ..

نصيحة أن تدرس المشروعين وترى أيهما أقل تكلفة ..

وفقك الله في دينك ودنياك .

مشاءالله تبارك الله
الله يوفقك ويرزقك ويسر امورك
اخوي اذا كنت تبي النصيحه لاتحط مشروع مثل هذا في قريه حطه في مدينة اقل شئ سكانها 7.000

تقبل تحياتي

مشكورين على المروور جميعا

وعلى مشاركاتكم اللي بتكون بعين الاعتبار
هارب من البطالة بالنسبه للقريه لا ماعليك ناس تدفع اي شي عشان السمكره
عمتي فاتحه مشغل تجميل وكذا وقلت لها ماينجح والحين تقولي صح مافيه عروس هناك بس والله دايم العالم عندها يسوون شعورهم وخلطات وشي زي كذا

بس اللي مخوفني ان فيه مستشفى يستقبل وعندي بالمدينه صعب لان ماكثر الله من المستشفيات الخاصه

وبالنسبه للمستوصف شغال تقريبا من 15 سنه وله فروع باكثر المملكة وفرعه الرئيسي من عهد الملك خالد <=== لوووووووووووول

بس المشكله تكمن وين الدكتور اللي يسوي السمعه بالمستشفى

وكمان براسي شي بس قلت لازم اسال فيه مشايخ
قلت اني بحط مبلغ من مال ابوي الله يرحمه على مشروعي يكون زي الصدقه له بحيث اخصص يوم بالاسبوع يكون الكشف مجانا او الخلع او التنظيف


وباانتظار باقي الاعضاء للادلاء بمشورتهم

اخوكم عاشق الكرناف

الموجود القريه اللي اتكلم عنها واجد اللي فيها يجيلهم 20الى 30الف وناس من خارج القريه ساكنين اللي يشتغل في بنك الراجحي واللي مدرسين ومدرسات ووناس شغالين بالاماراه وناس بالزراعه وناس بالمحكمه يعني القريه سكانها عال العال وواجد ومافيهم اللي ماشالله عليهم مقتدرين بحكم اني احد ابناء هذه القريه

اخي الله يوفقك
مشروع المدرسه جدا نااجح ان شالله خصوصا ان عندك اربع خوات ماشالله ماراح تحتاج لموظفات غير كذا تصريح المدرسه فيه صعوبه من ناحية المبنى بس اذا لقيت تتسهل غير كذا اذا انت ساكن الخبر او الدمام الحين في صندوق المشاريع الصغيرة تدعمه الاميرة جواهر بنت نايف ب 30% من رأس المال على مااعتقد بحيث يكون المشروع بإسم وحدة من البنات
تسوي دراسه جدوى كامله وتعرضه وتتنتظر الموافقه مع العلم انهم دعمو كثير مشاريع من هذا النوع
بس اهم شي تلقى مبنى يتوافق مع طلبات الوزارة
ابدأ بروضه واول ابتدائي والله يوفقكم

الاخوان كفو ووفو دعواتي لك بالتوفيق والله يسهل امرك

لاتنسى تستخير قبل كل شي ......