السلام عليكم ورحمة الله وبركاته
أسعد الله اوقاتكم جميعا
عندي استفسار بسيط انا قدمت على وظيفه معلن عنها
هنا بالمنتدى هي معهد التخصص للعلوم والتقنيه
وكانت المقابله بالغرفه التجاريه بالرياض
قالوا لاززم تسجيل بالتامينات ف سجلت بالتامينات وبعدها صلحوا لي المقابله
سؤالي :
التسجيل هل يضرني فيما بعد بجداره او حافز ؟
او حتى لو قدمت على وظائف ثانيه ؟
علما للحين مافي رد بخصوص القبول او الرفض ..
يعني حتى لو ماتوظفت مارح يضرني ؟؟

ي بوي لا يلعبون عليك وش اللي سجل و بعدين يصير خير تسجيل التامينات لموظفي الخاص و انت وقعت عقد و لا شي ؟ .. اذا كان لا الشغلة سعودة بسعودة ... و اكيد يأثر بحافز لانه تكون موظف بمجرد تسجيلك بالتاأمينات و يتم قطع حافز منك أما جدارة ما ياثر ان شاء الله و رح شل اسمك لا يلعبون عليك ولا اشتك عليهم اذا ارفضوا عند الجهة المختصة (مكتب العمل أو التأمينات ) .... و لا عاد ينلعب عليك مرة ثانية

و نسيت عليكم السلام و رحمة الله و بركاته

ي ليت اعرف وش مكتوب لك بالضبط كامل هل ( أنت غير مسجل و لم يسبق لك .. ) ؟ ولا ايش ي ليت تنسخها عشان اعلمك هل سجلوك و ايضا انت سبق لك العمل و تسجيلك بالتامينات قبل هذا ؟ ....

و تقدر تسوي لك حساب بالتامينات لك عشان تكون مطلع اكثر


و العادة التسجيل يطول بحكم الرقم الوظيفي اما الحذف بيومه و سلامتك و انتبه مرة ثانية و اعتقد اصلا انه مااحد يقدر يسجلك بالتامينات الا بتوقيع عقد منك

بالتوفيق

اخي الكريم
التسجيل في التأمينات الاجتماعيه شي عادي
وهذا تسجيل لمعرفة بياناتك لدى المؤسسه لكي تطلع على اشتراكك او طباعة مدد الاشتراك الخاص بك
ولا يطلع عليه سواك ( الا في حال افشيت ببياناتك الشخصيه كأسم المستخدم والرقم السري )

اما التسجيل كمشترك هذا يتم عن طريق الشركه الملتحق بها

انا رحت اقدم على وظيفه معلن عنها هنا من المنتدى
واساسا توي متخرجه وماعرف ابدا عن امور التقديم والوظائف ووو
وسألوني اذا عندك تسجيل بالتأمينات فقلت لا
دخلوني غرفه فيها كمبيوتر عادي وجلست ادخل بياناتي
اسمي , سجل المدني , تاريخ الميلاد , عنوان البيت ... الخ
بعدها رحت ودخلت غرفه ثانيه وصلحوا لي مقابله عادي
كانت عن الوظيفه وو ..
وجيت اسئلكم اذا لها دخل بجداره وحافز وهالامور او لا ؟
تقريبا صارلي لليوم اسبوعين ومافي رد ولمن ادخل ع موقع التأمينات
وادخل سجلي المدني يطلع لي غير مسجل ..