الحمدلله على كل حال ..

اذا انتم شاكين ان فيه تلاعب في النتائج وواسطات

النظام يسمح بتقديم شكوى لإدارة الجامعه وللخدمه المدنيه
وعلى ضوء هذه الشكوى يتم فيه لجنه مستقله من الخدمة المدنيه تحقيق في أوراق المقبولين والمستبعدين وهم بيستبعدون اللي بالواسطه حتى لو باشروا

اذا تبون لازم تكون الشكوى واحده من الجميع
واذا تبون توكلون امركم لله وهو حسيبهم بكيفكم

انا عن نفسي اذا وحده اخذت مكاني بالواسطه احللها وابيحها والله يبارك لها في هذه الوظيفه
والله سبحانه هو اللي يرزق

خلونا نتفق ونسوي شكوى مومعقوله 7 شهور وحنا على أمل نتوظف وأخرتها كذا تروح بارده مبرده لحقين الواسطات ..

😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭😭

سبحان الله كنت متوقعه لازم الواسطه تبخس حقنا ست سنوات وانا ع هالحال أقدم وانقبل وتمشي اموري صح.. واذا جا القبول النهائي يقولون رشحنا وانتهينا حسبي الله حسبي الله حسبي الله ونعم الوكيل عارفه إن أغلب اللي انقبلوا معهم واسطه والا مستحيل فني مختبر وحده جايبه أعلى من معدل 4.98 اتحدا اتحدا اللي انقبلوا أعلى من معدلي ومعي خبره سنه عمل ودورات معي ومع هذا تجي اللي تملك الواسطه ويقولون ربي ماكتبلك ..أجل انتم خليتوا رزق ربي يجي عساكم ماتتهنون قسم بالله الكيل طفح إلى متى يعني إلى متى جامعة نورة معروفه فساد في التوظيف عيني عينك اصلن ايام المقابله اللي تقابل معي في اللجنه اختها موظفه بالجامعه وكل شوي تدخل وتسولف مع اختها وكلهم أصغر مني ماشاءالله ..يعني بالعربي الوظائف للأقارب وأهل الواسطات وحنا لنا ربنا ....لاتلوموني يابنات من الغبنه اللي أحس فيها حتى أفي أحلامي اشوف اسمي طلع وع شطارتي واجتهادي ماشفت من وظايفهم شي

أنا 12 سنه عاطله ومعدلي 4.5 ممتاز وشهادتي برمجه مصاحب للدبلوم البريطاني ومعي لغة انجليزيه وكل شيء تمام ..وآخرتها كذا حسبي الله وكفى ..

حسبي الله ونعم الوكيل

بس انا وسيلا لازم نصير أكثر من وحده ونقدم شكوى ..