المشاركة الأصلية كتبت بواسطة هننددة

لا اللجنة مو وحدة...بس فيه بعض اللجان تقابل كذا مسمى وظيفي لأنهم متشابهين

طبعا أفضل شهادة مصدقة لكن مو شرط..أي شي عندك ياخذونه (اللجنة) أنا أعطيتهم الأوراق المطلوبة فوقها السيرة بالعربي وبالانجليزي وكل شهادات الدورات القصيرة أم ساعتين وثلاث والسجل الاكاديمي
وبرضو لما يسألون تكلمي عن نفسك قولي لهم عن التطوع وهم يسجلون الاشيا المهمة اللي تقولينها..مره يعطي انطباع حلو انك تطوعتي سنة كاملة..وبالنسبة لليه تركتيه قولي عشان أدرس وأطور نفسي..لان فعلا مثل ما تقولين درستي بعدها

بالنسبة لمقابلتي مساعد إداري كانوا ثلاث.. حبوبات لكن مادري ليه ارتبكت شوي
يسألون تكلمي عن نفسك ومن خلال أجوبتك يسألون يعني إذا تكلمتي عن دورة يقولون كم مدتها ووش استفدتي وكذا
لو كان عندك خبرة أو حتى التدريب التعاوني قوليه وبيسألونك وين ووش كانت المهام اللي توكل لك؟
لو مشرفتك أعطتك شغل زيادة فوق شغلك تسوينه من دون نقاش ولا تناقشين ولا تعترضين؟
ايش مميزاتك وسلبياتك
اذكري موقف حسيتي انك أحسنتي التصرف فيه
ممم سألوني ليه مافكرتي تكملين ماستر
هل انت شخصية قيادية
كيف علاقتك مع زميلاتك
وش تعرفين عن مهام مساعد الإداري؟ هل فقط سمعتي عنه أو أنك قريتي عنه ووين قريتي ومتى؟

تقريبا هذي كل الأسئلة حاولوا تكونون منفتحين متقبلين وعلى حقيقتكم..مافيه جواب صح وجواب خطأ فيه أسلوب تفكير صح وفيه أسلوب خطأ...كونوا صادقين..لكن اختاروا الصدق اللي في مصلحتكم
يعني مثلا الأخت اللي تسأل عن لو سألوها ليه تركتي التطوع وكانت تاركته عشان طفشت وعشان تحس انها تبغا تطور نفسها والتطوع خذ وقتها..أكيد ماراح تقول السبب الأول وبتقول السبب الثاني

وبالتوفيق للجميع وسألت المنظمات عن النتايج متى تطلع وعن الاحتياج كم لكن يقولون ماعندنا علم