بنات والله بقولكم كلام وهو والله صار قدامي وانا انتظر اينادوني للمقابله ...جت موظفه ومعها وحده وقابله موظفه ثانيه من اللجنه على مسمى غير مسماي الوظيفي والمهم قالت الموظفه لصحبتها الي باللجنه هذي اخت زوجي قالت لها الموظفه ابشر ازهليها بنوظقك بس تعالي باللجنه الي اكون فيها ...انا وقتها تحسبت

انا شفت وحده كانت تمشي معاها الموظفه يمكن نفسها كان يوم الخميس مقابلة مساعد اداري ورزقنا اللي ربي كاتبه لنا بناخذه حسبنا الله سيؤتينا الله من فضله انا الى ربنا لراغبون

اهااا
اجل هنا الغمنده
هذي زوجه اخوي وهذي اخت زوجي
صحيح رزقنا الي الله كاتبه لنا بناخذه بس بعد صعب نشوفهم ياخذون رزقنا ونسكت لكن مانقدر الا نقول حسبنا الله وكفى

بنات الله ياكاتب لنا توفيق يارب وتكمل فرحتنا باذن الله بالقبول والترشيح وش رايكم نزعجهم بالاتصال والايميل وعن طريق تويتر ماعندنا حل الانتظار شين انا كلمتهم كلام الموظفات متناقض جدا كلمت خدمة المستفيدين كلامهم غير شؤون الموظفات مادري مين اصدق فيهم طبعا بتسالون وش خدمة المستفيدين تذكرون يوم المقابله عطونا اوراق فيها رقمك في المقابله حصلت فيها رقم وكلمتهم ورقم شؤون الموظفات اللي نهاية 139 في الايميل تحصلونها وعلى فكره شؤون الموظفات يوم سالتها رفعتواا الاسماء لخدمه المدنيه قالت ايه في اسماء ترشحات وفي اسماء استبعادت هذا كلام الموظفه والله اعلم ماابي حطامكم واكد لكم الكلام الموظفات متناقض جداا

طبيعي بيكون في استبعاد للمرشحة اللي ماتنفع أبدا يعني
مثلا البعض يعرف يحل على الورق لكن أبدا مايعرف يتعامل مع الآخرين
سواء كان فيه صفة خجل أو عصبية أو أي سبب آخر ....
والواسطة أكيد مايخلى مجال وظيفي الا هي موجودة .... لكن الله أقوى

وبالنسبة اذا هي فعلا رفعت للخدمة المدنية ماراح نستفيد شي من الإرسال أو الاتصال ...
لأنها في الخدمة تمر على كذا إجراء من تحديد رقم وظيفي وتحويلها للشؤون المالية وغيرها ....

لكن اطمئنوا و وكلوا أمركم إلى رب العالمين و كل واحد ماراح يأخذ إلا اللي ربي كاتبه له

يا بنات أذكر نفسي وأذكركم بحديث عظيم وجميل نتذكره في هالوقت بالذات وهو قول الرسول الكريم صلى الله عليه وسلم :"لو أنكم توكلون على الله حق توكله ، لرزقكم كما يرزق الطير ، تغدو خماصا ، وتروح بطانا"


والله يا بنات ما فيه قوة في العالم تمنع رزق كتبه الله لك ولا فيه واسطة ولا قوة بالعالم تعطيك رزق مكتوب لغيرك مش لك توكلوا على الله ودائما رددوا اللهم إني أبرأ من حولي وقوتي إلى حولك وقوتك لا قوة لي إلا بك واستغلوا هالوقت وهالحاجة اللي عندكم بالدعاء والاستغفار والتقرب من الله


ربي يرزقكم ويعطيكم من خير الدنيا والآخرة ولا يعلق قلوبنا وقلوبكم بغيره

يابنات حطو ببطنكم بطيخ صيفي .


وصدقوني اذا الواحد انتظر شيء يحس إنه يتأخر انتم سويتو اللي عليكم والتوكل على الله بعد كيذا
وراح تجيكم رسائل كلكم بالقبول او الرفض كل الوظائف الحكوميه كيذا ترسل رد لازم ..


فمارسو حياتكم العاديه ولاتخلون شغلكم الشاغل هالوظيفه عشان ماتتحطمون لو لاقدر الله تم الرفض .

وبالنسبه للواسطه فعلا شيء يقهر ويحطم المعنويات والكفاءات لكن وااقع ولازم نتعايش معه لأنا مو قادرين نغيره .

الله يسعدكم ماقصرتوا كلكم كلامكم يبرد الخاطر على العموم يابنات اي وحده يوصلها ايميل على طول تبلغنا هنا بالتجمع عشان نكون على علم بأنه بدأوا يبلغوا المرشحات بالقبول أسأل الله لنا ولكم القبول في الدنيا والآخره انه على كل شيء قدير