السلام عليكم
لو سمحتم ياشباب بخصوص الوظائف اللي بجداره الان اللي هي باحث قضايا مساعد ومساعد اداري والوظائف الباقيه اللي عالمرتبه السادسه ابغا اسأل لو قدمت عليها يطير علي التدريس؟؟

لاني قريت تغريده بحساب الخنين يقول من شروط الوظاىف التعليميه الا يكون قد شغل وظيفه بالمرتبه السادسه او مايعادلها
وانا خايف اقدم عليها ويطير التدريس لان تخصصي شريعه وتربوي وقاعد استنى اختبار كفايات اجتازه انشالله واقدم عالمفاضله
افيدوني اللي يعرف الله يجزاكم الجنه

ومعليش عندي اخر سوال للي يعرف كم رواتبها وظايف المرتبه السادسه
وسلامتكم

اذا تبي التدريس لاتقدم على هالمفاضله
وانا لو مكانك ما اقدم وانتظر التدريس حتى لو سنتين لانه افضل وارقى من جميع النواحي

وفقكم الله وكتب لكم الخير

اذا رغبتك بالتعليمي الله يوفقك

وش لك بالإداريين

دامك تربوي وترغب بالتعليمي فالله يوفقك بقياس وتجتازه
لكن من رايي المتواضع تجرب حظك وتقدم هنا يمكن يكون لك نصيب فيها وترتاح
وبعدها تقدر تشوف طريقه للتعليمي اذا هو رغبتك

واذا ماجتزت قياس بتلوم نفسك ليت قدمت/ قدم عصفور في اليد ولا عشرة ع الشجره لو منككك اقدم الله يقدم مافيه الخير للجميع..

انا اشوف اذا انك متخرج حديث ان تتريث شوي حتى لاتفوت فرصة السلك التعليمي مقبل على طفرة افضل من الوظائف الاداريه

يعني فوق انكم جاوبتوا على سؤالي وفوق ذا كمان اعطيتوني نصائح
ماأقول الا الله يفتحها في وجيهكم واحد واحد
المشكله ياجماعه الشي اللي محيرني ومتعبني ان الوظايف الاداريه في الراحه افضل بمليون مره من التعليميه
والوظايف التعليميه في الراتب افضل بمليون مره من الاداريه ومحتار والله
مع اني اشوف نفسي بالوظايف الاداريه والمكتبيه افضل بكثير من التعليميه
بس الله يكتبلي ولكم مافيه الخير ويوفقنا وياكم
والف شكر لكل اللي رد

اللي يقول أرقى؟ يعني معليش باقي الوظائف وش وجهتها؟ الله يهديك.

الراتب مو بلاش . يقابله عمل وجهد وتحضير وفي بيتك ممكن تشتغلز أما الإداري في عملك فقط وفي خارج الدوام وقتك لنفسك وأطفالك ولبيتك. ممكن تطور من نفسك في مجال عملك بدراسة دبلوم أو دورات ..الخ


بالأخير اللي يحدد هالشيء هو (رغبتك)