السلام عليكم

كيفكم يارب طيبين , سبق واني طرحت موضوع او اكثر عن حالتي
يا مسلمين , انا متفوق في الدراسة ومن تفوقي هذا وانا جايب العيد , ليتني ما جبت درجات زينة بطول فترة دراستي .


المهم بختصر الكلام عشان م اطول عليكم - طالب جامعي ولله الحمد طموحي كبير وأملي كبير بالله سبحانه قبل كل شيء ,يوم ربي وفقني بالجامعة وشهادات تفوق قدر الله وجبت العيد

وش العيد اللي جبته لنفسي - صارت لي مشكلة وتغيبت فترة لكن هانت ولله الحمد
المشكلة الكبيرة في شركة معتبريني موظف عندهم ( الزبدة انها عسكرية) وفصلوني بدون إنذارات كيذا من راسهم فصلوني ليش عشان غياب وضحت لهم الأسباب وخذيت تعهد لكن تفاجات بالقرار مهزلة وربي , المهم قضاء وقدر


طبعا كل مواضيعي مافهمتو كيف ادرس - اادرس جامعة وتخصص اللي يطلبون مني وتصرف لي مكأفاة فوق هذا عذاب المهم اقدر اكمل جامعة بفضل الله يارب لك الحمد لكن ابي وووووظيفة مليت والله , راجعتهم أكثر من مرة عشان افك نفسي وأخذ إخلاء طرف وتوظف بأطلق مكان لكن موب راضين يعطوني ( كلمتهم أبي ارجع وانا متفوق ومن هالكلام موب راضين يقولون رجع فلوسنا قصدهم الرواتب وكلها كم راتب ) شيء يقهر


المهم حالتي صعبة موب قادر أروح الجامعة - أمنيتي أكمل هالجامعة عذاب وماباقي لي شيء

وش الحل وش الطريقة اللي افك نفسي منهم معلقيني كيذا لا اقدر اشتغل ولا ادرس
وش أسوي لهم - ظلم وربي لي أكثر من 5 شهور معهم



تكفون أبي حل - تعبت أدور وظيفة بدون تأمينات اجتماعية - أجمع رواتبهم واشيل أسمي وأكمل الجامعة .


أبي وظيفة بدوووووون تأمينات مضمونة أو أي حل ثاني
مستعد أكرف 24 ساعة

تكفوووووووووون

عزيزي سبق ووضحت لك في موضوع سابق
بأنه لا يحق للشركة بأن تعلق أسمك بالتأمينات وانت لست على رأس العمل حتى ولو كانت تطالبك بمبالغ نقدية
انصحك بمراجعة التأمينات الأجتماعية وابلاغهم بهذا الأمر وهم سوف يلزمون الشركة بحذفك من التأمينات
مع عدم اخلاء طرفك ورقياً لديهم
كون تسجيلك بالتأمينات يعني أنك على رأس العمل وهم أيضا يتكلفون بدفع المعاشات عنك
ابلغ التأمينات وبأذن الله سوف تجد خيراً

ماقدر اساعدك بشكل مباشر

بس الي اقدر عليه
انو ادعي لك ربي ييسر امورك يارب ويفتحها بوجهك يااااااااااارب

وكل ماتذكرتك هدعي لك بصلاتي


انت توكل على الله وخل ايمانك بالله كبير

وعليكم السلام

من الماده 80 من نظام العمل :

الفقره السابعه


اذا تغيب العامل دون سبب مشروع اكثر من عشرون يوماً في السنه الواحده او اكثر من عشره أيام متواصله يحق للشركه فصلك وذلك بعد ان يوجهون لك انذار كتابي بالفصل ( حتى لو لم تستلمه او لم يتحصلو على عنوان بريدك ).

* في العقد هل انت موقع على شرط جزائي ؟
اذا تم الاتفاق والتوقيع على شرط جزائي في حال ترك العمل تدفع ماتم الاتفاق عليه بينكم في مده محدده ( تحددها الشركه في العقد )

لان اخلاء الطرف لايعطى الا في حال لم يكن للشركه أي متعلقات لدى العامل

ولابد التأكد قبل اتخاذ أي قرار لشكوى او مطالبه

كل التوفيق

أخوي مساعد مشكلتي جهة الوظيفة عسكرية ما ادري اذا التأمينات لهم دخل معرف عن الشيء هذا اتمنى توضح اكثر
و أختي بنان ، جزاك الله خير و يسلمو عع الرد

فراباتشينو اي ياقلبي موقع على عقد أرجع لهم فلوسهم لو ما كملت دراستي وتخصصي اللي يبون لكن ما اذكر بالفصل أرجعهم أصلن بالعقل يفصلوني بدون مادري ويقولو رجع فلوسنا ما تدخل الرأس صح لو انا قلت ما ابي اكمل عندكم هنا يحق لهم يطالبوني اتوقع اصلن التعهد اللي وقعت كان اذا انا طلبت منهم فصل بس في حالتي صاير العكس اتمنى تعلق على كلامي وتوضح أكثر

بالنسبة أخوي مساعد المشكلة تروح تشتكي لمن ما ظنتي بيعطوني وجه يعني أروح لنفس جهة العمل اللي صارت معهم مشكلتي وإذا ما في إحراج يا ليت ترسل رقمك خاص وتعلمني متى تفضى واشرح لك السالفة ، بس اللي قهرني أكثر يا ناس بعد التغيب لمدة ٢١ يوم راجعتهم أول اسبوع ووقعت على تعهد وقالو شد حيلك وأنتبه ومن الكلام هذا تحس نفسك بمدرسة موب عمل وبعد ٤ شهور يقولو راجع الإدارة تراك مفصل يعني شوفو المهزلة كيف .





ويليت تعلموني بوظيفة بدون تامينات اقل شيء اشتغل وجمع فلوسهم وادفع لهم وأخذ إخلاء طرف والترم الجاي أكمل دراستي وتوظف بوظيفة بتامينات بليززز اللي يعرف يساعدني