السلام عليكم شباب

ياخوان عندى موعد بالشرطه العسكريه بالخرج

وانا من القصيم
لاهنتوا ابي وصف الطرق اول مدخل الرياض وين احصل طريق الخرج ؟؟

يجي من يفيدك بالتفصيل
لاكن الرياض محد يتوه فيها اول ماتدخل الرياض امش مع لوحة الخرج

والله وانت داخل الرياض ماعرف الوصف زين لاكن بتشوف لوحات واجد للخرج كل ماتلف مع شارع تشوف لوحه للخرج ماراح تضيع لاكن موقعهم حق الشرطه العسكريه بالخرج يفيدونك الشباب هنا

واسف على الاطاله

المشكله عندى بالرياض لانه اذا ماتعرف تدل تبي تضيع

ننتظر احد يوصف

اخوي قيادة الشرطة العسكرية الخاصة


بالرياض التابعة للقوات البرية


تأكد من موعدك وين فيه ..

الله يوفقك انشاء الله ازا انت جاي من القصيم ادخل مع طريق مكة احسن لك من زحمة الملك فهد يمين او خلك مع لوحة الخرج سيدة لين تعدي الكبري المعلك سييييدة الين حراج بن قاسم ثاني كبري بعد الحراج مكتوب الخرج جنوب ادخل معه يمين او بعده درب السهاله جاك طريق الخرج

بعد مدينة الملك عبدالله بيجيك مخرج طريق مكه امش وخله

بعده بيجيك الدمام - الخرج ادخل معه بيطببك بالدائري الشمالي

امش لين يجيك لوحة كبري المطار انت خذه يمين يمين لاترقى يسار للمطار

وتمسك الدائري الشرقي تسذا

ابتل سيدا بعد ماتعدا مخرج ١٨ هذا طريق الخرج

افادوك الرجال ووفق الله الجميع

اذا موعدك في الشرطه العسكريه في الخرج تبع الخدمات الطبيه موعدك في مدرسه ومركز الخدمات الطبيه بالخرج تاكد انت مقدم على شرطه عسكريه لان انا مخلص كل شي في الشرطه العسكريه تبع الخدمات الطبيه

بالتوفيق