من طبعي ارد الإساءه بالاحسان
وأساير ظروف الزمان اللعينه

وأطوف الغلطه من أفلان وفلان
يعني من أجل عين تكرم مدينه

الكامل الله والخطا طبع الانسان
والدرب يفرق عن يساره ويمينه

والصاحب اللي له معزه وله شان
ان جاني بشينه تذكرت زينه

اتحمل اخطاءه معي قدر الأمكان
من جانبي تبقى العلاقه متينه

واللي يغلطني وانا ماني بغلطان
اصابعي احطها وسط عينه

مادامني مسلم وفي قلبي إيمان
عمر البحر ماشال هم السفينه

مرت علي انواع واشكال وألوان
بين العقول الناقصه والرزينه

عندي قناعه ان الإنسان شيطان
اذا يهينك لازم انك تهينه

يعني اذا حاجتك بيدين عدوان
يكفيك شر المهزله والغبينه

من كثر ماجاني من الناس خذلان
تحرجني حتى كلمة الله يعينه

صحيح لي ربع وجماعه وخلان
وأضيق _ لاكن حاجة الناس شينه

الشخص دام انه بكل شي خسران
تأكد انه من عمايل يدينه

من مرحلت حب ومشاعر وحرمان
إن مالعنت الحب __ تلعن سنينه

اكتب شعر واعزف من اشواقي الحاااان
واسلي قلوب الغرام الحزينه

ولو الشعر مخلوق في هيئة انسان
اقول له تسلم واقبل جبينه،
اتمنى ان تنال اعجابكم

يعطيتس العافية على النقل الموفق

صحيح لي ربع وجماعه وخلان
وأضيق _ لاكن حاجة الناس شينه

مشكورة اختي
والله ابداع

شاكره لمروركم العطر

تسلمين والله يعطيك العافيه

صح لسانك

شاكره مروركم الكريم

الشخص دام انه بكل شي خسران
تأكد انه من عمايل يدينه

صح لسانك
أبيات جداً رائعـــــــــــــــة...

يعني اذا حاجتك بيدين عدوان
يكفيك شر المهزله والغبينه

ــــــــــــــــــــــــــــــــــــــــــــــــــ ـــــــــــــــــــــــــــــــــــــــ
هذي ماهي بس قصيده هذي ترجمه نفسيه ، واش اقول يارعية الأبل ان قلت مشكوره على طرحك لهذي القصيده احس انها قليله (لكن ما اقول غير الله يوفقك وتسلمي والله يرضى عليكي )