السلام عليكم ورحمة الله وبركاته

موضوعي يخص كل متخرجه صارلها 5 سنوات واكثر عاطله
عندي فكره جهنمية توصل صوتنا لابو متعب الله يطول عمره
صدقوني حاسه صوت نوره الله يعطيها الف عافيه مغمم عليه وماوصلوه للملك لان بالعقل لو وصل للملك والله ماراح يقصر ابو متعب كريم
علشان كذا حابه كل وحده فينا تسوي برقيه للديوان الملكي الموضوع سهل من تلفون البيت تتصلين ويرد موظف يكتب الشكوى وتوصل للملك وينزل رد برساله
اذا تكاتفنا وكان موضوعنا واحد وعدد كبير صدقوني راح يوصل وابو متعب ماراح يقصر معنا بس لازم يكون سيل من الخريجات يسوون البرقيه خلال اسبوع
يالله يابنات اللي بتنظم لنا تقول تم علشان نحدد اسبوع وتاريخ ونسوي زي المفاضله ونهجم بالبرقيات
راح اجيبلكم رقم الديوان الملكي المخصص للبرقيات بس ما ادري مسموح نحطه بالموضوع والا ممنوع مومشكله نشوف حل اهم شي الان نتجمع بعدد لاباس فيه علشان زي ماقلتلكم نحدد يوم نبدا البرقيات لمدة اسبوع كل وحده تسوي برقيه وحده بس خلال اسبوع

اعذروني كلامي احسه مو منسقه فيه الافكار لاني اكتب من الجوال
لاتنسون اللي معنا تقول تم وتتابعنا علشان نحدد اليوم

الله يوفق الجميع وفالنا التوظيف

الله يرزقكن اخواتي ( الخريجات القديمات ) اكلت حقوقكن جهارا نهارا وحسبي الله ونعم الوكيل
اسدحي رقم الديوان المخصص للبرقيات
واذا الاداره ما تسمح ارسليه لي

لقيته بعمنا قوقل
شكرا لك

ارسال البرقيات خطوة قد سووهأ القديمات من البداية.

ارسلنا ياقلبي من زمان ماحد عطنا وجه مابي احطمك لكن الشق اكبر من الرقعه ماقول الاحسبي الله ونعم الوكيل فيمن اكل حقوقنا وحرمنا من التوظيف

الله المستعان...حتى حقوقنا صار فيها خطط جهنميه ههههههههه
حددوا وحنا معاكم ماورانا شي قاعدين قاعدين من عشر سنوات..

الله يرزقكن
و لا تتأملن كثير في خلق الله

طيب مو مشكله حتئ لو رسلو نرسل ثاني مره
كثر الدق يفك اللحام
وه بس ترا قتلتو حماسي
مع اني مو قديمه مرا بس شكلي بصير من جد قديمه اقدميتي بعمر الزهور

خليكم من الكلام هذا كله شخبار المكرمه اللي قالو بتنزل

يا الله انا معك