الله يجزاكم الجنه انا توني متعينه جديدة ومرره حايسه ومو فاهمه شئ بالنقل
وضاق صدري لما عرفت في شئ اسمه اسبقة التقديم
واني لازم اكون دقيقه بتحديد الرغبات
ومابي اغلط غلطه يوم احدد رغبات التعيين

انا جاني تعينيني بحائل وصرت بمحافظه من محافظاتها وتخصصي تربية خاصة
الحين ابي اعرف كيف ارتب رغباتي
عشان اذا فتح التقديم اكون ع بينه

روحي لموقع مسبوق وشوفي عدد المتقدمات على محافظات الرياض والقريبة منها

انا من الرياض وابي اقدم ع الرياض وحسب مافهمت ان لازم اول 5 رغبات اكون دقيقه بها
واكون اماكن فعلا ابيها عشان امسك دور بها ولو غيرتها اكون كاني مسكت دور من جديد
فانا محتارة كيف ارتبها

أهم شي الرياض خليها رغبة أولى والباقي براحتك...يعني حاولي تكون رغباتك أبعدها 100 إلى 200 كم عن الرياض عشان تسكنين بالرياض


والاهم كككككيف ومن وين اعرف برامج التربية الفكرية للتربية الخاصة متواجدة وين بضواحي منطقة الرياض ! وين اروح ؟ عشان اخذ هالمعلومه ؟

بصراحة ماعندي معلومة

لشئ الثاني انا ابي ادخل داخل حائل مابي اجلس بهذي المحافظه
اخليها اخر رغبة ؟
وهل لو دخلت نقلت لها هالشئ ياثر ع نقلي لرغباتي الاولى

لا مايأثر وخلي حايل الرغبة الأخيرة والقصيم رقم 9 والمجمعة رقم 8 والباقي حول الرياض

وشئ اخير ومههههم مهم جدا بالنسبة لي و الاهلي

هل لو وضعت مثلا القصيم - بريدة
اكون بنفس بريدة ولا ممكن يوجهوني لقرى من قراها
نفس التعيين يوم وجهونا قلعونا

لا تكوني بنفس بريدة أو قرى قريبة جدا ماتبعد أكثر من ساعة عن بريدة وتكون قرى يعتبر النقل لها داخلي وليس خارجي لقربها من المدينة

ناس قالو لا النقل ينقلونك ع المدينة الي انتي كاتبتها ويحطونك وسطها وناس لا
قالو ممكن يوجونك للقرى التابعة لهذي المدينة

لان افكر احط الرياض - الرياض
وبحط الخرج- الخرج و المجمعة - المجمعة
بس مادري بيحطوني وسط المدينه ولا القرى والمحافظات التابعه لهم

بكذا يحطونك بنفس المدينة أوى قرية قريبة جدا تعتبر ضمن نطاق المدينة ....أو على أطرافها

كويس اهم شئ ما يقلعوني بقرية تبعد عن المدينة نفسها
100 كيلو او شئ .. بتروح حياتنا مسك خطوط

الله يدزاك كل خير يارب

السلام عليكم
أنا من بريدة وتعينت بالجوف

بحط القصيم كاملة وحائل بس ماعرف القطاعات التعلمية للمنطقتين كاملة ودي اعرف بحيث أني ارتب القطاعات من الحين

اللي يعرف قطاعات القصيم ( بريدة والرس وعنيزة والبكيرية والمذنب والبدايع ) ابي القطاعات لكل مدينة

وحائل كامل قطاعاته والأقرب لبريده

الله يعافيكم

شاعر الهلال جزاك الله كل الخير على مجهودك ومساعدتك لاخوانك
الأعضاء.. وكم نتمنى ان يتم تثبيت الموضوع من قبل الإدارة لأهميته

صدر تعميم بفتح حركة النقل 12/18....
والتائج تظهر بداية الفصل الثاني وكالعادة بداية شهر 5..

بالتوفيق للجميع

الله يجزاكم الجنة
ابي احد يعرف هذي المناطق
وطريقها من الرياض هل هو زين لتردد كل يوم ولالا

ضرما . حريملاء. المزاحمية . رماح
كل وحده كم تبعد عن الرياض
وكيف طريقها

وودي احط المجمعة بعد كم تبعد وكيف طريقها
والي يبي يساعدني وادعي له يرتبها لي تكفون
اول سنه اقدم وضااايعه

تعميم حركة_النقل_الخارجي لعام 1436/1437 كاملا

http://t.co/qO7yxrD3nR

تفتح الحركة 18/12 وتغلق 20/1

الي بيسوي خير يسوي فينا نحن الجدد

الحين طريقة التقديم كيف . كل شئ الكتروني ووين من اي موقع؟

في شئ المديرة تعبية لي او لا ؟
اخذ ورقة من المديرة او لا ؟

ياليت تعلمونا الطريقة او تعطونا رابط الشرح او شئ