السلام عليكم
اخواني من منكم استلم الاجهزه الكهربائية اللي جايه ضمن برنامج الاثاث ؟؟
احنا بالطائف سلمونا اشياء بسيطه بطاطين ؛ زوليات ووعدونا إن الاجهزه راح تجي بعد أسبوع والان عدت شهور وماشفنا شيء وكل مانسأل يقولون ماجانا شيء
طيب وبعدين ايش الحل مع الضمان الاجتماعي لين متى راح نسكت على هالتلاعب والفساد
تكفون اللي يقدر يتحرك ويروح لايقصر أنا امرأة مطلقة وماعندي امكانيات اطارد معاملات وشكاوي

الرجاء من الجميع المشاركة

تكفون ردوا علي

والله يالغالية..ربي يكون في عوتك
وحاولي تتواصلي مع مشرفنا المنتصر بالله
يمكن يفيدك..واسف ماعندي خلفية بهذي الأمور

نفس عمتي جابوا اثاث بسيط وكم زوليه وكم اواني وللحين ماجت لباقي

انا كمان جابوا لي سجاد وبطانيات وكنب ارضي بس

ممكن تفيدوني كيفية طريقة التقديم على الاجهزه الكهربائيه والاواني

ملاحظة
انا من مكه فيه احد استلم الادوات الكهربائيه من ظمان مكه

اساسا ليه يوزوعون اثاث؟؟

ليه مانقدم طلب بفواتير مختومه عن احتياجاتنا ويسلمونا المبلغ افضل
لان مثلا انا عندي زوليات وبطانيات متوفره بالبيت

وش ابي باللي راحو يعطوني هيي؟؟
لكن اشوف وش ناقصني وارفع طلب وخلاص