السلام عليكم ورحمة الله وبركاته

كيف حالكم اخواني طيبين ؟


يا اخوان انا حبيت استفسر

انا تخصصي علوم حاسب الي .. وموظف في شركة متعاقدة مع ارامكو

جتني وظيفه من شركة زين يعني متعاقد مع زين

الراتب في الشركة اللي متعاقدة مع ارامكو 5400 اساسي مع البدلات 7250 ريال
مع العلم مافيه زيادة سنوية . والعقد سنتين ، يعني مشكلة الشركات اللي متعاقدة مع ارامكو بعد ما ينتهي العقد ممكن يكرشونك او تشوف لك مشروع ثاني مع ارامكو وممكن ياخذونك وممكن لا.


الراتب في شركة زين اساسي 4000 مع بونص 4000 يعني بـ 8000 ريال

والبونص الـ 4000 سهله بإمكان اي واحد يجيبها . كول سنتر الوظيفه وتترقى بسرعه وفيه ناس ترسموا في زين في سنة وفيه ناس في 8 شهور مترسمين في زين .
وللعلم قابلت موظف شركة زين والله شباب يعني مابيني وبينه ، له 4 سنوات في شركة زين ، والرجال الحين هو سوبرفايزر مدري شسمها ويقول ماعاد اقدر اترقى لان اللي فوقي منجر والمنجر ما بمسك مكانة الا اذا ماات والا جاه شيء هههههههه الله يحفظ كل مسلم ومسلمة.
وايضاً عشان ما انسى ان لها زيادة سنوية عكس الشركة اللي انا حالياً فيها .
والامان الوظيفي احسن من اللي انا فيها .


فانا والله متحير وقاعد افكر وش الافضل لي كمستقبل ، وبغيت مشورتكم يا اهل الخبرات .



جزاكم الله خير ونفعني الله وإياكم لما يحبه ويرضاه

البونص ما يعتبر دخل اساسي تحسبه مع راتبك كدخل شهري وحتى لو كنت ضامن انك بتجيبه كل شهر
ما يعتبر دخل اساسي ثابت تعتمد عليه لانه معروف هالشركات يدورو الذلة عشان يسحبو البونص ولا يبخسوه
وحى اذا ما سحبوه مو منزلينه مع الراتب دفعة وحدة فذلك انا ارشح الوظيفة الثانية لانها افضل في كل شي

انتبه اشد الانتباه بارك الله فيك , تدخل بشركه متعاقده مع زين

انا ذفت المر ست شهور ولا ريال الله وكيلك ..

انتبه انتبه انتبه , والله بدايه الوظيفه قالي واحد لا يغرك اسم الشركه والله ان تكره حياتك ..

وصار الي قاله ..

لا تتورط . مهما اغروك بالراتب . ما رح تشوف منه ولا ربعه .

الله يجزاكم خير ، مو انتم اللي حذروني منها كثير ..

زين اني ما تهورت ، على العموم نسحب على ابوهم .


ونستمر في هذي الوظيفه لين الله يرزقنا بوظيفة سنعــه