السلام عليكم ورحمة الله وبركاته

أهلين وسهلين أخواتي العاطلات,,,

عندي فكرة ممكن تتسلون فيها الين مايفرجها الكريم وتجيكم الوظيفة اللي تتمنونها إن شاء الله

هي فكرة للكسب المادي جديدة سهلة جدا وبسيطة جدا

فكرتي انه يكون فيه مجموعة من البنات عندهم افكار يبغون يسوقونها

ويسوون لهم بازار في بيت وحدة منهم ,,

وتجمعهم وحدة من البنات في بيتها وتجيب لهم طاولات وتحطها في ساحة بيتها

وتأجرها على البنات,, مثلا تجيب الطاولة من محل بـ50 ريال وتأجرها على البنات بـ 100 .

وكل بنت إستأجرت طاولة تجيب بضاعتها وتعرضها للبيع

طبعا كل وحدة توجه دعوات لقرايبها ومعارفها لحضور البازار

ويسوون البازار مثلا مرة او اكثر بالشهر اومرة بالشهرين

على حسب مستوى الإقبال على المشروع .

طبعا هناك قواعد يجب مراعاتها لــ إنجاح هذا المشروع

_ إختيار أشياء نادرة ومتميزة لعرضها للبيع

_ ان يكون المكان مرتب ويفتح النفس

_ توجيه الدعوة للزائرات اللي فيه أمل منهم يتفاعلون مع المشروع

واللي تحسون بس بيتفرج مافيه داعي يسوي زحمة .

أفكار ممكن عرضها في البازار:

أواني منزلية , إكسسوارات , ملابس , مأكولات ,..... الخ

واللي عندها إستعداد تسوي مثل هالفكرة أنا مستعدة أرسل لها بنات

يسـتأجرون من عندها أماكن .
.
.
.
.
.
وأخيرا ماأستغني عن رأيكم وتعليقاتكم

لأني بصراحة مقررة أسوي هالمشروع ياليت ما تحرموني من أفكاركم عشان يستفيد الجميع
....

فكرة قمة الروعه وذكية كثير وانا دايم اشجع البنات اللي عندهم هالافكار الحلوه و(( الموهبه)) وراح تتطور افكارك اكثر ويمكن يفتح لك باب رزق افضل الله يوفقك يارب ولاتتوقعين ناس كثير من اول مره ترى رحلة الالف ميل تبدأ بخطوة Good luck sis

فكره غريبه

يعني من وين اجيب البضاعه ؟

مـاعندهـا واسطـة الفكـرة رائعــة
وعن نفسي أطبقهـا فترة الأعياد في منطقتنـا
طبعا استغل فترة التجمـع وغالباً يكـون عندنا مخيمـات خـاصة أو ندوات ومحاضرات وماإلى ذلك ما أحضر ببلاش دام في خروجي من البيت في السـنة حسـنة وعلى قولـة القايل " حج وبيع مسابح "
واذا عن الأشياء اللي تعرض غالباً تكون من محـلات الجملة وبيعها بالتجزئة يحقق ارباح خيالية وطلبيات بسيطـة عن طريق اخوات من الخليج بضـاعة مستوردة ماتوجد في السوق والاشغال الفنيـة والأكـلات والأرباح توصل إلى سبعـة أضعاف رأس المـال

والأفكار على شاكلتها كثيرة تحـتاج إبداع وتطوير وأهـم شي " دعـــــــــــم ومساندة وتشجيع" من اللي حولك
وصبر وطولـة بـال منك

تمنياتي لك ماعندها واسطـة ولكل أخواتي العاطلات منهم والعاملات بالتوفيق

يتيمة وعاطلة لاعدمتك على تشجيعك لي مشكورة على طلتك الحلووووة

اخوي قزاز والله الروعة تواجدك وتشجيعك وتفاعلك مع الموضوع

يامال العافية يارب

لاتعليق الله يوفقك فكره جنان...................

فكره خطيررررررررره انزين لو طورناها شوي وعملنا البزار في كليه اليوم الي يسووون فيه البنات طبق خيري وغيره هذي بعد فكره

حلوه الفكره بس المهم التطبيق واهالينا يوافقو