قدمت في احدى الدواير الحكوميه العسكريه خاصه في مناطق عديده منها الرياض والمدينه المنوره

وشاهدة من اللجنه حقين القبول والتسجيل عدم مخافة الله سبحانه وتعالى والله ياجماعه خير فيه ناس طردونهم على شي تافه وشفت ناس طردوهم وطولهم كويس وشفت ناس قبلوهم وطولهم مااااااش وشفت ناس قبلوا شهاداتهم الفنيه على شهر وشهرين وشفت ناس طردوهم وشهاداتهم على سته شهور وبعضهم سنه والسبب لايعلمه الا الله.

الشي الثاني دخلت انا ومجموعه في القبول والتسجيل لدى الاداره العامه للسجون في الرياض ورئيس اللجنه اسمه جمعان والله ياجماعه خير يطرد المواطنين كنهم غنم عنده ينفخ ويطالب ويشوت الناس لو مايعيبهم شي بس تكلموا كلمه طردهم ولايتفاهم ويظلم في الطول فيه ناس تتعدى الطول المطلوب ويقول لهم لا انتم تمسون انفسكم لكي تطولون واخرتها وش يسوي يحني ظهرك لجل طولك ينقص رجل لايخاف الله قطع الاعناق وليس قطع الارزاق...

والشي الثالث في اداره القبول والتسجيل في الامن العام في المدينه المنوره الملازم اول اليداء يقيس الطول وانت طول 170 ينقص من طولك صانتين عشان يتاكد من طولك طيب واللي طوله 186 يطلع عند اليداء طوله 166 ههههههههههههههه والمشكله تشوف متشدد يعجبك تقول هذا الرجل المناسب في المكان المناسب ويوم تشوف اللي يخشون الدوره فيهم ناس مايجي طولهم 165 ويوم تجي تقول ياليداء فيه ناس حنا اطول منهم يقول هذي ماهي في ارادتي دخلوا غصب عني او يقول نصيبك وراح او يقول نصيبهم كتب لهم طيب لماذا تعقدنا حنا وهم تمشيهم ليه لانهم يعرفون رئيسك او يعرفون النقيب او او او عندهم (( واسطه))..

وفي الاستخبارات العامه الله لايجزاهم خير جميعاً تصدقون انهم مجرمون بالفعل كاتبين تقديم في الاستخبارت يعني يقدمون كل الناس ويبدون الفرز بالنسب العاليه والشهادات العاليه هؤلاء لا لالا اللي عنده واسطه ودق عليهم واعطاهم رقمه دقوا عليه واللي ماعنده الطلب تحت الاجراء حتى يموت اعرف واحد صاحبي ابوه يعرف له ناس في الاستخبارات نسبته هو 67 وانا 75 وتصدقون دقوا عليه وانا اعرف ناس نسبهم 84 مادقوا عليهم ولا ابشركم مامعه غير الثانويه بس الله يرزقهم والله لايسامح من قطع رزقنا..