والمرتبه الرابعه ماشفنا احد
واليوم كلمت الموظف يقول انتهى الترشيح على كل المراتب
السالفه كلها واسطات الله لايوفقهم

انا كنت عندهم اليوم لانب ترشحت ع السادسه
فسمعته يكلم خويه
يقوله جميع من دخل المقابله الشخصيه تم قبوله
لكنهم الان شغالين بالاساسي
بجيون للاحتياط
اللي جابو درجات زينه حطوه بنفس المكان اللي يبيه وفي ناس حطوهم باماكن بعيده
بعضهم راح يكنسل الوظيفه

اللي فهمته من الموضوع كله
ان الموظفين اللي هناك محتاسين ولاهم عارفين بعض الانظمه
وكانها اول مسابقه تمر عليهم والله اعلم


اول شي يفترض قرار تعيينك يتوجه للفرع اللي حطوك عليه لجل تراجعهم وتكمل الكشف الطبي
وتعدل مهنتك من الاحوال
ومن ثم تباشر عملك

الوضع راح يتاخر اسبوع زياده
لان الاغلبيه ماراح تطلع تقاريرهم الطبيه الا بعد اسبوع
وبعضهم رجع ديرته وانا منهم

والاسبوع الجاي راح اكمل الاوراق الخاصه
اما بالنسبه للي ماراحوا فكان الوضع اليوم
يستقبلونك ثم ياخذون اثبا ويعطونك رقم يقولون انتظر
وبعد شوي ينادون باسمك
ويطلبون صورة شمسيه
يعبون لك كشف الطبي ويخيرونك بين المستشفيات

متى ماخلصر التقرير بيوم باسبوع
ترجع تستلم قرار تعيينك والجه اللي تباشر فيها

طبعا يعلمونك وين حطوك
اذا ماعجبك المكان
يحاولوم ينسقوم بينك وبين المتعينين بحيث يحطونك باقرب مكان لك

هذا اللي شفته
واي استفسار انا حاضر

السلام عليكم
الله يبشرك بالخير اخوي فوتشر
يعني باقي ناس مارسلو لهم
وانتو الي راجعتو اليوم كم عددكم مثل المقابلة او اكثر وهل كلكم علي السادسة

[align=center]الله يعطيك العافية اخوي فوتشر وألف مبروك القبول
بس كنت بسألك اليوم كل اللي راجعوا لاستكمال الاجراءات ع المرتبة السادسة او في مراتب ثانية ؟ لان حسب ما وصلني ان المرتبة الخامسة والرابعة ما بيرسلون لهم الا اذا خلصوا اجراءات السادسة [/align]

[align=center][/align]واضح فيه تخبط بتوظيف كل ما مر عليه واحد عطوه كلام يختلف ..
انا قالي انتهينا من الاساسي وارسلنا لكل المراتب .. الاحتياط للي يعتذر عن وظيفته انتظر احد يعتذر

صبها حقنها
يعني انتهوا وبالنسبة للاحتياط ماراح احد يعتذر الا البعيد يعني نسبة التوظيف 2 بالميه

الله يعين العاطلين ويبارك للمقبولين
ونصيحة لوجه الله الي يعرف واسطه بما ان الامور ماشية بالبركه
لايفوتها ويضبط وضعه

ان شاء الله تعالى يكون لكم النصيب في القبول
واتوقع اعلان المرتبه الخامسه والرابعه يكون بعد الانتهاء من المرتبة السادسه

ودي ارد ع كل واحد
بس المعذره اكتب من الجوال لاني بالطريق

بالنسبه للي يقول كلمنا الاحتياط
اصلا متى امداهم يعينون الاساسي
تو معلنين ولااحد راح لهم
اليوم لين الساعه 12 الظهر
تو وصل الرقم ل 16
طبعا كلهم المرتبه السادسه

اذا انا اساسي
ولحد الان مايدرون استمر او ماستمر وشو لون جابوا احتياط


في كذا شخص ماتعينوا على نفس منطقته رموه بمكان بعيد زي واحد لقيته متعين بجيزان مع انه طالب مكه
وضايق خلقه يبي مكه
اذا معنا بالمنتدي ياليت يعلمنا وش صار
الله يفرجها عليه بحوله وقوته


زبدة الكلام ترونهم مضيعين
واللي راح اليوم لاحظ هالشي

وسبب ثاني برضه
الكشف الطبي يبي له اقل شي اسبوع لان بعض التحاليل تتاخر
الا الي عنده واسطه بمستشفى عاد هذا امره غير

المهم اللي ابي اوصله لكم
لاتقطعون الامل
باذن الله يجيكم الفرج


انا عن نفسي اتكلم يمكن اكمل اوراقي يمكن لا
وراح تكون وظيفتي من نصيب احد غيري

طبعا اقول هالشي فرضا لان عندي امور يمكن تمنعني



الله يوفقكم ويجعلني اشوفكم كلكم موظفين