الحمدلله عملت المقابلة امس والله ييسر ويوفقنا
وبالنسبة للنتائج بعد مانتهيت من المقابلة قالي الموظف بالحرف الواحد
(راح تجيك رسالة بالنتيجة اما بالقبول او الرفض بعد شهر او اقل اوكثر بشئ قليل)

وقلت انقل لكم كلامه

***طبعا انا غير مسؤول عن ماقال لي يمكن يصدق يمكن لا حسب روتين الدوائر الحكومية

اللي خلصوا المقابله ؟
ايش الاسئله !
وفين موقع الوزاره ؟ قريب من المطار والا بعيد ؟

السلام عليكم ورحمة الله وبركاته ,,,

صراحه جاني النوم وأنا أنتظر اليوم في المطابقة والمقابلة

دخلت عندهم 8.20 طلعت الساعة 11 أنا طلعت وتقريباً وصل العدد 75 شخص

بالنسبة للمطابقة سهالات, لكن المقابلة شوي مطولينها

سالني عن طبيعة عملي , وعن تخصصي , وسألني عن بعض التعريفات ,

وهو يسألني جاء في بالي الأخوان الي قابلوا قبلنا , والي كانوا يسألوهم عن الكورة أو يسألهم عن الجامعة

وقلت في نفسي وش هالحظ الاقشر , ناس يسولفون , وناس مثلي يطلب منهم تعريفات

على العموم شاكر لكل من وضع تجربته , والله يوفقكم جميع

قابلت اليوم
للأسف الي قابلني ما عنده اسلوب المناقشه العادله يسئل ولما اجي اجاوب يقاطعني ويرجع على الموظوع ولما ابي اتكلم يستفزني بالمقاطعة طلع ما في قلبي ولا ارتحت له ولا اسلوبه الملتوي


ندرس ونتعب وبالاخير يجي واحد يقابلك ما عنده مهارة الاستماع ويخرب عليك مستقبلك اه بس
يالقهر والغبنه ثالث مره اجي الرياض عشان المقابلات وكل المصاريف سلف .
وبالاخير يقبلون 30 شخص من الاف المتقدمين طيب ليه من الاول ما تقللون العدد وتريحون الناس من الطريق والسفر .

يارب سترك وعفوك ورزقك الحلال، زواجي بعد شهرين وشكلي بعتذر لأهل البنت ما ودي اتزوج وحالتي كذا ..

متى تخلص مقابلاتهم
باقي احد يسوي مقابلات من المرشحين للرياض
جد طولوها علينا الواحد يبي يعرف اللي له واللي عليه عشان يعمل حسابه على الاساس

[align=center]لا إِلَهَ إِلا أَنتَ سُبْحَانَكَ إِنِّي كُنتُ مِنَ الظَّالِمِينَ[/align]

شباب بالله الي عنده مقابلة ورايح الوزارة يسال ارسال للكاتب الادراي وفيه رسايل بتجي ولا

فيه احد وصلته رساله مراقب امن وسلامه طووووووووولو الي يروح للوزاره يسال لنا يكسب اجر ��

[align=center]اسعد الله صباحكم بالخير والمسرات

شباب الي ماجته رساله لا يتعب نفسه يعتبر انه ماأجتاز إختبار المفاضلة الي كان في جامعة الإمام طبعاً انا من ظمنهم والحمد لله على ماأراد والعوض في غيرها .

طبعاً الكلام من شخص وصيته يسئل وسئلهم وقالوله هالكلام .
بس الغريب بالموضوع ليش الوزارة ماقفلة على حساباتنا في التقديم الى الأن مفتوحه هذا الي استغربه
والله يوفق الجميع لما يحب ويرضا والخيره فما اختاره الله[/align]