السلام عليكم ورحمة الله وبركاتة

شخباركم ان شاء الله بخير

يا اخوان انا شغال في مطعم البرقر كنق المالكه لشركة العليان طبعا انا متوظف عن طريق معهد

الحكير بالناصرية درست 4 شهور وخذيت الاول على مجموعه البرقر كنق اللي هيا 3 مجموعات

بعدها دخلت بالمجال الوظيفي وبدات هنا المشاكل مع سوبر منجر كل يوم هواش انا وياه+ طق

قدام الناس واحيانا اسكت اقول مابي اسبب مشاكل وكذا مره اشتكيت للاداره ولا هي يمي اصلا

طبعا انا لي الان مع فتره التدريب يكمل لي 9 شهور نهايه هالشهر ان شاء الله طلبت قرض من الشركة

بعد عيد الفطر مباشرة وسحبوني شهر ونص ما استلمت الخطاب الا قبل اسبوع بسبب تاخر التواقيع

المهم خذيت هالخطاب ورحت للبنك( بنك ساب) عطيتهم وراتبي الاساسي 2400 وقالوا انتا

مرفوض السستم الجديد يرفضك لابد يكون راتبك الاساسي 2500 (يعني ناقص 100 ريال فقط)

وانا بحاجتن للقرض والله ابي امشي اموري والنكبه الكبرى مانيب من الرياض هنا المشكله ولا

معي سياره تمشي الحال


انا عندي اقتراحين :-

1-اطلب تحويل راتب من بنك ساب الى الانماء واطلع قرض من بنك الانماء

2-اطلع قرض من الانماء واقدم استقالاتي بعد اسبوعين(بعد تنزيل الرواتب)

سؤالي هوا:-

هل اذا خذيت قرض من بنك الانماء وغيرت وظيفتي الحاليه هل سيوثر ام لا ؟

لان سئلت احد موظفي بنك ساب وقالي مالنا علاقه بتغيير وظيفتك قرضك راح يستمر كما هو

فابي واحد فاهم بالشغلات هاذي وبيني وبينكم انا طفشت من وظيفتي هاذي لا نسخه من

العقد ولا تامين طبي معناي بدخل بالشهر 10 فيها وانا مو عارف شسوي احس ضايفن فيني

الدنيا مابي احتاج احد ولا اعرف احد بالرياض هنا اللي مطفشني ابي امشي اموري مو عارف كيف

ولي يومين ما داومت كمان عطوني حل

ايه عادي اذا اخذت القرض ماله دخل اهم شيء يجيهم قسطهم
واذا تاخرت ثلاث شهور او سته شهور ماحولت لهم القسط راح يحطونك في سمه

وعليكم السلام ورحمة الله وبركاته


قبل تحويل الراتب لبنك اخر
تأكد من البنك المحول له اذا فيه اتفاقيه بين البنك وشركتك على القروض للموظفين
اذا لم يكن فيه اتفاقيه لن تستطيع الاقتراض


ومن الناحيه الأخرى لا يوجد أي اشكاليه في القرض عند تغيير مكان العمل


وربي ييسر امورك

رحت للبنوك الهولندي والرياض قالوا ماعندنا اتفاقيه معهم رحت للانماء قالوا عندنا لكن لازم يكون راتبك 6000 رحت

لسامبا والراجحي قالوا لازم يكون راتبك 5000 الاهلي يقولوا 2500 مثل الطعس هذا ساب

رحت لمكاتب التاجير ابي امشي نفسي قالوا نعطيك شهر 3300 لكن جيب لنا بطاقة عمل (كفيل غارم)

فرحت من يومها قلت بتتيسر اموري ان شاء الله رحت للادارة وقلتلهم وقالوا مانقدر نعطيك بتطيح

على روسنا تسذا مدري شسوي ياربي فكرت مافي الا حل وحيد اني اقدم على التميمي واوقع معهم بداية

الشهر ابد معهم بس فكرت بالنظام الجديد يقول لازم الموظف بعد تقديم استقالاته يكمل شهر كامل

ابي واحد فاهم بالشى هذا هل اذا قدمت استقالاتي يوم 1 ميلادي يقبلون او لا؟

هذا الحل الوحيد اني اغير وظيفتي علشان اقدر امشي اموري وظيفة ثانية