21-08-2008, 01:10 AM
|
عضو مهم
|
|
تاريخ التسجيل: Oct 2006
المشاركات: 247
معدل تقييم المستوى: 37
|
|
|
انا صبر
خبرت الوقت والدنيا وانا توي ولد مغرور
صغير السن غض العود توني مابلغ مدي
كبرت وشفت بعيوني كيف الحال يلف ويدور
لزمت الصمت في قلبي ساكت حافظ سدي
قريت التجربة مرات وحرف التجربة مذكور
حسبت التجربة تلقين واثر التجربة عندي
عقلت الحال والدنيا وانا قبل العقل معذور
ولكني غديت اليوم ابدل صيفي ببردي
تداعت يمي الدنيا يضرب جالها بالسور
سور قد بنيته سنين اساساته على قدي
وانا قدي صبر صابر وصبري فايض ومنثور
اجلد من بغاني بشر واصفق غدره بيدي
الا يا دنيتي هونك ترى ما العن من المخطور
اذا ما حدت الدنيا قسى الموت في حدي
واذا ماجتني الدنيا تسأل خاطرك مكسور
ضحكت وقلت يا دنيا خذي مني بعض ردي
تبي اللحين يا دنيا انزل دمعتي مقهور
وربي ما انزلها ولو غلطة على خدي
انا صبري تعلمته قبل اولد بتسع شهور
تعلمته وانا نطفه ورثته من صبر جدي
|
العرض الشجري
