شكراً للمشرفين ولجهودهم ..
أتفهم أسباب حذف بعض الردود ..
لكنني حقيقة لم أفهم ما سر حذف الردود التي ذكرت قضية الخريجات القديمات ؟
الإعلام والرأي العام كله على بعضه؛ ضجّ وملّ من التحدث في هذه القضية. إلا هنا ما السر ؟
طيب على الأقل حينما تحذف الردود فليُذكر السبب علناً لعلنا نتعلم من أخطائنا.
المساحة للنقاش. داخل اطار الأدب وحسن الحوار ؛ وهذا ما لم نتجاوزه.
ولعل احداهن حينما تقف على هذه الصفحات. تتعظ من ورطتنا .. حتى لا تتكرر هذه المأساة

كل الشكر لك أختي تحول يقظ ع هذه البادرة
المشكلة انه سوق العمل يتطلب شي والجامعات مازالت تخرج أعداد هائلة
من هذه الأقسام المفروض تتقفل هذه الأقسام ويتم إيقاف تدريسها
بما انه لافائده منها

وبالنسبه للخريجات الغير تربويات انا غير تربوية
ومتخرجة بمعدل ممتاز ومشكلتي الوحيدة هي أني بحاجة للدبلوم تربوي ومحتاجة ١٢ الف ريال لا درسه
لماذا لا يدرس بالمجان
هناك ضغط كبير ع لخريج. ��

تخصصي بكالوريوس رياضيات غير تربويه ولا ابغى تربوي اصلاً
عندي دبلوم انجلش سنتين
كنت حاطة آمالي على الوظايف الادارية حقت جدارة
وتفاجئت بالرسالة المشؤومة " لا توجد وظيفة تناسب مؤهلاتك"
اقسم بالله تحطمت وكرهت الدنيا باللي فيها .. معد ادري ايش اسوي !! يعني خلاص مافيه امل بالوظايف الحكومية ؟ آنا ما ابغى تعليمي نهائي ولا اختبرت قياس ولا عندي تربوي
حلمي وظيفة ادارية لاني احب طبيعة شغله
بغض النظر اننا نحتاج الوظيفة او لا .. لكن حكاية انك تبذلي مجهود وتدرسي واخرتها مصيرك زي مصير الجيل السابق اللي ما درس .. ربة بيت فقط !! شي يقهر بالفعل .
ايش اسوي مني عارفة .. نفسي اعرف ليه ما خلو الوظايف متاحة لكل الغير تربويات !!

المهم تتوقعوا لو قدمت بدبلوم اللغة الانجليزية انه تظهرلي الوظايف ؟ افيدوني بالله وربي اني في هم لا يعلمه الا الله

لا حول ولا قوة الا بالله
واضح ان الحاضر والمستقبل حيكون للاقسام الادبية التربوية والغير تربوية ماشاء الله عليهم والله يبارك لهم
احنا كرفنا ب العلمي واخرتها م تقدرين تقدمين ع وظائف ادارية
ولا تقدرين تقدمين على وظيفة تعليمية الا مع دبلوم تربوي + قياس
يعني علمي لوحدة اجلسي مصي حمر ف البيت
عكس ادبي لوحدة تقدري تقدمي ع الاداري
يعني مو كفاية اننا علمي ومصعبينها علينا !؟
حسبي الله ونعم الوكيل

يعني لو درسنا ادبي وبدون تربوي حتى افضل لنا
راحة وسنين اقل وبدون قياس وتقبلك الوزارات ف الاداري زي الاحوال المدنية وزي جدارة حاليا !!

استغفر الله واتوب إليه

السلام عليكم
أخواتي مو كل التخصصات العلمية ماطلعتلها وظايف ادارية
اعرف وحدة معرفة شخصية خريجة محاسبة وطلعت لها وظايف
هم أكيد يختارو التخصصات العلمية المناسبة للوظائف الإدارية فقط
يعني اذا الوظيفة تتطلب خريجة محاسبة او إدارة اعمال ودي التخصصات اذا مو تربويات مالهم نصيب في التعليمي
هل في رأيكم من العدل يخلو خريجات الكيمياء والرياضيات ينافسوهم في وظيفة تخصصاتهم !!!
انا غير تربوية وأتمنيت وظيفة تعليمية واجترت قياس لكن لما ماطلعتلي وظيفة تعليمية ماحسدت خريجات التربويات واتفهمت انه عدل لما قدمو التربوية قبلي
أتمنى يكون في تفهم في احتياج الوظيفة لمن يستحقها وننافس بعض منافسة شريفة في حقوقنا مو حق غيرنا
تقبلو مروري ودمتم بود

من زين وظائفهم الإدارية اغلبها مفتشة نساء

حسبنا الله ونعم الوكيل